نحن اتحاد المدونين ... بعيدا عن وطن او دين
لن نسمح باي انسان مهما كانت قوته ومهما كانت نفوذة ان يثبط من همة او عزيمة احد منا .. نحن اقوي من ذلك بكثير .. وان كانت طبيعة الدنيا ان نجد فيها الطيب والشرير ... فيكفينا اننا الطيبون ..
لانسب احدا ولا نتعدي علي احد ولا نسخر من اديان او معتقدات او اوطان
شعارنا هو الحريه
مالم اضر بك فانا حر فيم افعله
لن نسمح باي انسان مهما كانت قوته ومهما كانت نفوذة ان يثبط من همة او عزيمة احد منا .. نحن اقوي من ذلك بكثير .. وان كانت طبيعة الدنيا ان نجد فيها الطيب والشرير ... فيكفينا اننا الطيبون ..
لانسب احدا ولا نتعدي علي احد ولا نسخر من اديان او معتقدات او اوطان
شعارنا هو الحريه
مالم اضر بك فانا حر فيم افعله
18 comments:
ياااارب يا مارك يارب
وميرسى على زيارتك انت
العفو على ايه!
دى اقل حاجه تتعمل
على الله بس تجيب نتيجه مع داليا
wallhy ento 3eyall fadeyah!
lol
Any sych union that promotes censorship of opinion out of protection of people's feelings is beyond stupid and against freedom of expression. I never read her blog, but honetsly, if that Dalia girl can;t handle criticism, even the venomous kind, then she shouldn't even bother blogging.
Please be assured, that if you do go ahead with this, that you are actually shooting yourself in the foot. Don't be stupid!
اولا برحب بيك فى البلوج
وثانيا ..
هو موقفنا اولا و اخيرا ماكنش علشان اننا ضد الراى الاخر مثلا او حاجه!
بس علشان طريقة معالجة الرد
والفكرة تطورت انه يكون فى اتحاد مدونين
نجتمع فيه كلنا نعرف اخبار بعض و نتطمن على بعض من خلاله
يعنى نعمل تواصل ما بينا!
فالموضوع مش بس مجرد اعتراض على اسلوب شخص فى الرد
ولكنه بقى لاننا محتاجين تواصل اكتر من البلوجات العامه
فكانت الفكرة اننا نعمل ايميلات باسمى البلوجات بتاعتنا على الياهو
و اظن ان الفكرة حتى لان لسه مكتملتش
يعنى كل واحد فينا بيحط فكرته و بنفذها
وطبعا بشكرك على التفاعل حتى ولو كنت مش موافق على الفكرة و شايف ان هى ملهاش ادنى لازمة:)
فرحت جدا بوجودك
فكرة جميلة ان الناس تتجمع تحت راية واحدة بس يا ريت يكون في هدف اكبر وأعمق وأقوي زي مصرنا الجميلة
عشقك ندى:
اكيد جميل الاتحاد
والاجمل طبعا لو كان تحت رايه مصر
بس انت لو اخدت بالك اننا عاملينة كاتحاد بدون جنسية ولا ديانة
احنا عاملينة علشان ميكونش فى فرق ما بينى وما بينك ما بينها و بين غيرها
عاملينة علشان حرية التعبير و التضامن تحت راية بلا علم دولة تحييه
وده اجمل و اجمل كمان
ونورتنى فى البلوج..
صباحك سكر:
الموضوع ببساطة يا جميل
اننا عايزين نعمل اتحاد للمدونين تحت راية حرية التعبير بلا اسائه لاى حد
وبدون النر لا للجنسية او الدين زى ما قولت قبل كدة
زى ما البوست قايل دى اهدافنا
ولو عجبتك اكون فى غايه السعادة لو انضميتى لينا
ارجو انك كدة تكونى فهمتى يا قمرى
شكرا ليكي جدا منورة
انا فرحان ان فيه متفخمة قصدي من الموضوع وبتدافع عنه كمان
اشكرك مرة اخري ولك تحياتي
ادم:
ماهو انا لو ماكنتش متفهمة الموضوع
و مقتنعة بيه ميه الميه يبقى ماكنش ليه لازمة انى اشترك معاكم
العفو يا سيدى
و ان شاء الله بس نعرف نحقق الى بندعو اليه
مارك:
من عنيا حاضر
انا كل مرة بدخل مبلاقيش جديد
واكون انا اخر واحدة راده
مش هاعمل زيك يعنى و ارد على نفسى
لسه شويه على الحوار ده:)
شوفى سعادتك
موضوع داليا دة غريب جدا وانا كنت مرة قلت ليها انها عاملة مشكلة من غير مشكلة وانها ممكن تستعمل خاصية ظريفة جدا هنا واسمها
ديليت
بس انا كان قصدى انها ديليت التعليقات اللى مش عاجباها مش ديليت البلوج كلة
------------------
مش عايز اكون السبب فى اى لخبطة ممكن تحصل بس الكلام اللى فوق دة
اقل ما يوصف بة انة
ينسف بعضةبعضا
مجموعة من الاوامر المتداخلة التى تلغى اخرها اولها
انا مش ممكن اكون محايد ابدا فى مواضيع بحجم الوطن والدين
-----------------
اذا لم اكن على اقتناع بما اكتب واستطيع الدفاع عما
اعتقدة(ولو بديليت) فلا اتحاد او جمعية او اى كيان اخر يستطيع
عزيزى ادهم:
بجد كنت مستنية رايك
بص يا سيدى انا بحترم رايك جدا وعلى العين والراس فعلا
ولكن
انت مش مؤمن بان الاتحاد ليه لازمةلان الواحد مسئول و لازم يكون هو مؤمن بالى بيكتبه محدش يديله ايمانه ده من بره و يقوله احنا وراك
كلااام جميل جدا جدا والله
بس انا عن نفسى شايفة ان الاتحاد ده بيعبر عن مطالبى انا..
انا محتاجه حد يكون جانبى واقف معايا لما يجيى حد و يعارضنى بشتيمة
محدش قال ان الى داليا عملته كان الصح
محدش قال ان هروبها ده كان حل من الحلول
وشايفة ان كان انسب حل زى ما انت نصحتها هو ديليت للرد من اساسه وخلاص
لانه اكيد طالما احنا عاملين بلوجات عامة المفترض اننا نكون مستعدين للمعارضة و الاهانة كمان
طيب و ياترى الاتحاد ايه دوره بالظبط
هل هنروح نضرب الى بيرد على ايديه و نقوله انت كخه مثلا وكده عيب
ولا هنجيبله البوليس مثلا
طبعا احنا ناس عاقله الى حد ما من اننا نعمل اى حاجه..
الاتحاد هنا فى الموقف الى زى ده بيعلن ان الناس الى فيه مش هترد الاسائه باسائه جنبها
وان الى اتهان احنا بنسانده و نقف جنبه علشان ميحصلش زى ما حصل مع داليا فى انها هربت ومحدش عرف(حتى الان) يرجعها مثلا!
طيب كل ده جميل و ايه تانى:
حاجه تانية الاتحاد بيحاول يدعو اليها
يوم ما داليا مشيت الناس الى كانوا يعرفوها معرفوش يوصلوا اليها الا الناس الى كانوا قريبين منها طيب والى عايز يوصلها هيعمل ايه!
فاقترح ادم اننا نعمل ايميلات باسامى البلوجات بتاعتنا
وبكده نقدر نتواصل عن طريقه لو انا طهقت من البلوجات مثلا ومرضيتش ادخل عليهم تانى
احنا حتى الان لم نكمل جميع اهداف الى عايزينها فى الاتحاد
ولكن الاتحاد ده مناسب ليا انا ..ولغيرى
وومكانش مناسب ليك فده للاسف شىء محزن يا ادهم..
يؤسفنى انى أقول انها فكرة فاشلة من ناحية التطبيق
انا ناديت بيها من زمان
ودخلت فى مناقشات جامدة مع من يسموهم فطاحل التدوين ووصلت لحد الاساءة فيا
ولكن
وعملت مجمع ولكن فشل, فيه اتنيين بس انا و صاحبى
عنوانه أهو
http://goodlyword.blogspot.com
بعد ما تعبت فى التصميم و البحث عن طريقة عمل مجمع
فى ناس معترضة كتيييييييير و ده هيبوظ الفكرة تماما زى ما حصل معيا
ربنا يوفقوا
ساشا حبيبتى:
انا مقدرة شعورك اكيد
بس بعتذر منك لو كان حاجه فى كلامى عن داليا ضايقتك ده فى الاول خصوصا انى معرفهاش
بصى المشكله بس ان فى فرق ما بينى و مابينك و ما بين داليا
انا ممكن لما الاقى اهانه اروح مسحاها واكمل عادى مرة و اتنين و تلاته
انتى ممكن تمسحيها مرة واتنين وتلاته بس بعد كده تطقهى وتمشى
داليا صدمت من اول مرة و مشيت
ده يمكن الفرق ما بينا
بس فى الاخر احنا متفقين ان الاهانة غير مسموحة
وانها المفترض متهبطش من عزيمتنا
اسلام:
مرحبا بيك فى البلوج
والله هى فعلا صعبه التنفيذ
بس ده ميمنعش ان الواحد يحاول على قد ما يقدر..
وزى ا انا شايفه ان الناس المتحمسين للفكرة كتار مش قليلن
ويسعدنى انك تكون معانا خصوصا انك ناديت بيها قبل كده!
عزيزتى:
اشكر كثيرا التقدير لشخصى الضعيف
لا اريد ان اكون من المحبِطين لاى عمل او مجهود جماعى
ولكن التجارب السابقة فى الدعوة لمثل هكذا تجمع قد لاقت مصيرا غريبا
قد يعود ذلك لاكثر من سبب ليس من بينها انقطاع الحماس لعمل جماعى
انا بس عايز الفت نظر حضرتك الى ان اللى انا ملاحظة ان معظم الاخوة هنا تقريبا اصحاب اساسا فى الشغل او الدراسة
وبيكونوا بينهم وبين بعض تكتلات او شلل ودى طريقةمتهيألى انها قريبة من الاتحاداو النادى
عندك ابليس وشلتة ليليت وخجل ولا ابن مصر وسفنكس او دكتور ر وايهاث وايف وغيرهم من المدونين
وتقريبا بيشتغلوا مع بعض نظام شيلنى واشيلك وبيلعبوا لعبة انا ادٌون وانت تعلق وتقول هايل يا استاذ
بس وسط الركام دة بيصادف انك تلاقى انسان حقيقى نوع نادر اختفى من حواليك وانت بتدور علية باى طريقة علشان الدنيا ما تبقاش ضلمة اوى
وكمان بالنسبة للحرية هنا انا شايف انها مالهاش حدود
كل واحد بيقول اللى هو عايزة بالطريقة اللى تعجبة وكل واحد وتربيتة
وزى ما انت تفضلتى وقلتى ان المطلوب من الاتحاد دة مجرد المساندة ورد الاعتبار المعنوى فانا شايف ان دة موجود فعلا من غير اى تجمع
وكمان كل واحد هنا ادمين نفسة ودى ميزة مهمة جدا تحمى من الناس الظريفة(نسبة لتربيتها مع الظراف فى الحديقة)
حاجة اخيرة بخصوص الهدف من الكتابة هنا احنا مش جايين نغير الكون ولو اننا بنحاول
بالظبط زى الطالب المتأكد من الفشل والمصمم على النجاح
صعب جدا انك تجمعى بين ناس اتجاهتها مختلفة لدرجة الخصومة فى كيان واحد
مش عايز اعيب فى حد بس(مش خوف منة بس احترام للمكان اللى انا ضيف علية)بس جاتنى فكرة مش عارف تنفع ولا اية
بلوج جماعى بين ناس تثق فى بعضها وانا عارف ان فى ناس كتير رغم البعد لكنها اهل للثقة البلوج الجماعى دة يكون منبر للتعبير بينا وبين بعضنا واعتقد ان فى اكتر من بلوج جماعى هنا بيادوا نفس الغرض
---------------
المضحك فى الموضوع بتاع الايميلات اللى على نفس عنوان الموقع
ان انا عامل كدة من زمان من غير ماحد يشاور ويقول هجوم
but wat can i do if i need privacy
عزيزى ادهم:
زى ما قولت قبل كده انا بحترم رايك جدا..
دلوقتى انت بتقول ان لو الموضوع موضوع حرية فلازم نسيب الحرية تاخد مسارها..
وعبر عن نفسك زى برنامج اكسبريت يور سيلف كده:)
كلامك جميل جدا جدا
بس اجى أقول راى انا ..
دلوقتى الحريه متاحة للجميع للكويس وللوحش
ليا و ليك و لحسن و محسن و حسين كمان
انا احترم الحرية جدا
واحترم المعارضه جدا
بس اهانة فيا على اساس انها حرية تعبير ده مينفعش!!
انت قولت قبل كده انك مش هتسكت لو كان الموضوع يمس الدين او الوطن
بس انت فهمت اول جملة احنا كابتينها غلط..
احنا مقصدناش اننا هنسكت لو كان فى اسائه للدين او الوطن
احنا قصدنا اننا عايزين نعمل اتحاد منبصش فيه لمين الى واقف جانبى سواء من موزمبيق او كوالا لمبور ..
مسلم او مسيحى او هندوسى حتى!
احنا الى متفقين عليه ان الاسائه فينا احنا منردهاش باسائه تانيه
ومتأكده ان اى واحد فينا مش هيسكت على اسائة فى دينه! او وطنه مهما كان
...
انت متفق معايا فى ان الدعم المعنوى مفيد..و ده شىء كويس
بس هيبقى احسن انه يجيى من جهة موحدة فيها ناس متفقين على هدف معين بدل ما تيجى مثلا عشوائى او حاجه!
...
ناس مختلفين لدرجه الخصومة
بس لو هم متفقين انهم يتحدوا فى حته معينة اظن ان ده مكسب لينا!!
يعنى مش مشكلة ماكونش انا مش بطيق ادهم (مثال طبعا) و اراءه مش بتعجبنى بس اتفقت انا و ادهم انه كل يوم الصبح نطلع نرش الزرع و ياسلام بقى لو الزرع ده حصله حاجه هتجمع انا وهو و نزعل عليه ايد(هو مثل غريب اوى بس معلش الساعه 4 الا ربع اعذر حالتى) المهم يعنى تجميع الناس المتخلفين مش وحش
لانهم بيتجمعوا فى حته معينه وبسيطه
واحنا مبنطلبش من حد انه يرمى السلام على اى حد يشوفه او انه حتى يضايفه فى بيته احنا بس بنطلب اننا نكون مع بعض فى مواقف معينه نتفق عليها و خلاص
...
هى فكرة البلوج لذيذه جدا و كل حاجة
بس على انهى اساس بنختار الناس الى هتبقى اعضاء فى البلوج؟
ولا هنخليه لاى حد يدخل فى الاتحاد ولا ايه هى فكرتك بالظبط؟!
لانى برضه احب فكرة البلوج دى جدا!
...
وشوفت بقى يا سيدى احنا بنفكر زى بعض ازاى عملنا ايميلات زي ما انت عملت و دى بشرة خير:)
...
بجد سعيدة جدا لرايك يا ادهم و تفاعلك معانا!
عزيزتى السنيورة الامورة!
شكرا جزيلا يا جميل على كلماتك و تشجيعك
بس ياريت بقى نشوفه عملى و اشوفك ناشره البوست ده عندك لان بكده يكمل التشجيع الى بجد!!
نورتينى:)
ساشا:
هلا مرة تانيه يا قمرى
مش عارفة صراحة هل كلامى انا الى ماكنش واضح ولا انتى يا قمرى الى فهمتينى غلط
بس عموما حصل خير
انا مقصدش خالص ان انتى بتهاجمى داليا او ضدها
على الاطلاق
انا عارفه انك واقفه جنبها ومعاها
وانا حبيت اوضح موقف الناس او على الاقل موقفى ناحيتها
بس صدقينى انا مقصدتش خالص المعنى الى وصلك
على العموم حصل خير يا جميل
وياريت تكونى فهمتى قصدى:)
نورتينى مرة تانيه
مرحبا...!
انا ليس لدي مدونة الحقيقة...حتى الان على الاقل..!
لكني انصحكم بالاتحاد..!
ربما لو كانت لدي مدونة لما اضممت الى هذه التوليفة الجميلة ..وذلك اننا تعونا ان ننصح بشيء ونفعل عكسه..!
لكن الانسان -على الاقل- لايزال مثاليا في احكامه...
لهذا اقول بكل حكمة اتحدوا..والله معاكم
محمد..!
Post a Comment