بخسر نفسى
مع كل لحظه ندم على شىء كان او لم يكن
مع كل يوم يفوت لا بحقق جديد ولا حتى بموت!
مع كل مشهد دم عربى اتراق..حسيته ذنبى..وبعد شويه انسى الذنب
وكل مشهد فقر بيعدى قدام عيونى ..صدقونى ساكن فيا و بيزيد جنونى.
ياا صحابى ليه سيبتونى مش حساكم وبجد ده بيزيد همومى
وحتى اللقطة كوميديه حلوه اه ولكن مبتضحكش
وحتى البرائه راحت منى .ادور عليها ولا ااقولكم احسنلى مدورش.
يا جبال الحزن جوايا ادفنينى تحتيكى خلينى محسش بقى زهقت من الاحساس
وقولى لكل حبيب حاسب متقربش..ده الى قرب خسرته.والى بعد احسن انه مجربش
مع كل ضحكة اخاف لتكون الاخيره ,نفسى تطلع من قلبى بس ليه مبتطلعش
اضحك على نفسى وااقول هاكون بخير.
يمكن بكره يكون احسن وترجعلى نفسى
مع كل لحظه ندم على شىء كان او لم يكن
مع كل يوم يفوت لا بحقق جديد ولا حتى بموت!
مع كل مشهد دم عربى اتراق..حسيته ذنبى..وبعد شويه انسى الذنب
وكل مشهد فقر بيعدى قدام عيونى ..صدقونى ساكن فيا و بيزيد جنونى.
ياا صحابى ليه سيبتونى مش حساكم وبجد ده بيزيد همومى
وحتى اللقطة كوميديه حلوه اه ولكن مبتضحكش
وحتى البرائه راحت منى .ادور عليها ولا ااقولكم احسنلى مدورش.
يا جبال الحزن جوايا ادفنينى تحتيكى خلينى محسش بقى زهقت من الاحساس
وقولى لكل حبيب حاسب متقربش..ده الى قرب خسرته.والى بعد احسن انه مجربش
مع كل ضحكة اخاف لتكون الاخيره ,نفسى تطلع من قلبى بس ليه مبتطلعش
اضحك على نفسى وااقول هاكون بخير.
يمكن بكره يكون احسن وترجعلى نفسى
16 comments:
كلماتك قوية يامنار
وياما ناس كتير مننا خسرت نفسها وبتخسرها كل يوم
بس ارجع واقول ان الاحساس نعمة وان خلانا نحس بالعذاب
مش احسن مانعيش زي الحجر
تحياتي ليكي
قلبتي المواجع
محمد سمير
مع كل مشهد دم عربى اتراق..حسيته ذنبى..وبعد شويه انسى الذنب
دى المفروض كلنا بنحسها بس تجيب الدم من فين
ودى
اضحك على نفسى وااقول هاكون بخير.
يمكن بكره يكون احسن وترجعلى نفسى
!!!!!!!!
جمييلة اوي
انا قريتها كلها كأنها كلمة واحدة كبيرة..
"يا جبال الحزن جوايا ادفنينى تحتيكى خلينى محسش بقى زهقت من الاحساس"
السطر ده بجد خلاني اقشعر..
i love it :)
محمد سمير:
فعلا للاسف الاحساس مهما كان متعب مفيش غنى عنه علشان نحس اننا عايشين على الاقل
واسفين على تقليب المواجع يا فندم
طاهور:
انا الى مش فاهمه انت مش فاهم ايه!!!
عمرو:
ربنا يخليك ليا يا عمرو
تعيش و تقرالى و تعجب بالى بتقراه كده دايما يارب
ماشاء الله
بجد الكلام جميل اوى و قويه اوى
بتوجع بجد
بس هو اولا انك بتخسر نفسك عشان مش بتعملى حاجه فاعله
تقريبا دا بيحصل مع ناس كتير اوى انها مش بتعمل حاجه فاعله
و يمكن انتى من الى لسه مجاش ليها الوقى انها تبدا تاثر و كده
ف مش نخسر نفسنا من الاول
و بعد عجبنى اوى يا جبال الحزن جوايا ادفنينى تحتيكى خلينى محسش بقى
عجينى التعبير فيها اوى
بس شايف فيها هروب
بستخبى من الى بيحصل ليكى
و كمان لما هربتى دورتى على جبال الحزن
بجد هيكون احساس صعب
انا الكلام الى قولته ده لو انتى كنتى بتعبر عن نفسك فى الكلام ده
انما لو كتابه كده
فجد جميل و فعلا فى ناس بيحلص لها الكل الى انتى بتقوليه
تحياتى بجد
:)
يعتبر عنوان البلوج ترياق من البوست
فتظل الحياة دائما جميلة فقط ان نعمل بجد لتكون كذلك ونستحقها
رمضان كريم
مدونة ذات طابع جميل
..
لى عودة ان شاء الله
..
تحياتى
mamado:
بجد ميرسى كتير على مجاملتك ..
وبالنسبه الى الكلام ذات نفسه هو مش هروب و مش موضوع برضه انى مش بحقق حاجه تحسسنى انى مش بضيع نفسى على الفاضى مثلا هى الفكره ان الواحد دايما قوى و دايما واقف كده فلازم من حين الى اخر تطلع شويه مشاعر من الى بتكتمهم جواك على عده مراحل دى تجميعه سنين مش تجميعه يومين هى دى الفكره
وبجد شكرا مرة اخرى على ردك الجميل ده
ادهم:
اخيرا جيت وطليت علينا تانى بعد غياب
البلوج نور بيك يا فندم ..و فعليا و انا بكتب البوست عماله ااقول ان عنوان مدونتى بيرد عليه اصلا وزى ما رديت على مامدو الفكره فكره تجميع خواطر واحزان بقى وجت فيكم يعنى
وبجد رمضـــان كريم علينا جميعا ياارب
انكسارات:
يسعدنى تشريفك للبلوج يا فندم
وان شاءالله نشوفك مرة تانيه
كتير بحس بنفس احساسك
بس مين قال ان الحياة سهلة او ان البشر كلهم رحمة
فى حاجات كتير ممكن تقوينا عشان نقاوم او ع الاقل نستحمل
بحيي تعبيرك وان شاء الله اتابعك
سلام
انا مش حاعلق عالبوست المرة دى
حاقولك بس رمضان كريم و مبروك رجوعك للتدوين
مريم:
فعلا عندك حق..
الواحد بس بينسى انها مجرد اختبار و ليست حياه بجد
وياريت اشوفك هنا على طول
نورتينى
اياكش تولع:
مع انى كنت عيزاك تعلق على البوست المرة دى بالذات:(
الله اكرم..و رمضان كريم علينا جميعا ان شاء الله
الله يبارك فيك
تشاؤم وغربة وخوف من الغد المجهول !!! يعنى مافيش امل عندك فى اى حاجة جميلة فى الدنيا؟
منار
كلامك مؤثر جدا و ياما حسينا بيه
يمكن مافيش حد ما مررش باللى انتى فيه بس انا ملاحظ ان فيه نبره استسلام و خضوع على لسانك يعنى ليه مستنيه انتى بكره علشان تعود ليكى الابتسامه ليه انتى مش اللى تحاولى انك تلاقيها حتى لو تاهت منك
صدقينى الدنيا ما بتديش محتاج
المحتاج هو اللى لازم يعافر على حاجته
و اذا كان على الصحاب هتلاقى كتير قوى بس المهم انك تلاقى اللى يفوقك مش اللى يضحكك
تحياتى ليكى
كل سنة وانتى طيبة
رمضان كريم
تحياتى
ragi:
لا اكيد عندى كل امل فى الحياه ويا الا ماكنتش ابقى عايشه اصلا
ولكن انا بجد مستغربه من كميه الناس الى داخله تكتبلى عن تشائمى وكانى هانتحر يا جماعه الفكره ان الواحد ساعات يبقى فى مود سعيد وساعات فى مود حزين كل الناس كده وده بقى مودى الحزين المكتئب
انما انا على طووول بضحك وعلى طول متفائله للحياه حتى وانا فى عز مشاكلى احب اضحك
والله انا الى انكئبت لما حسيت منكم انى مكتئبه زياده عن اللزوم
واشكرك انك واضع مدونتى فى بوست عندك ده شىء يشرفنى
تحياتى
شريف:
يا فندم ميرسى جدا ليك على كلامك ده
بس زى ما قولت فوق انا مش من النوع الى يستسلم للحياه و الظروف و مستنى حد يقومه و الحمدلله انا بعرف ااقوم نفسى و ااقوى من ما البوست ظاهرنى ولكنها اللحظه الى فيها بتظهر حقيقه اكتئابك الداخلى الى مش بيظهر الا فين وفين هى دى الفكره
وتحياتى ليك
تامر:
وانت طيب يا تامر منور البلوج مرة تانيه
والله اكرم
لية تخسرى نفسك ولية تندمى
كل حاجة بتوجع تعدى وتخليكى تكسبى نفسك اكتر وعمرك ما تندمى ابدا على حاجة عدت لو ما كنتش عدت مكنتيش اتعلمتى منها والى ميطلعش من قلبك سيبية شوية يمكن يكون دة مكانة ويمكن يهاجر لوحدة ومتفكريش كتير عشان بكرة احلى
بكرة اكيد احلى
بكرة دايما احلى
Post a Comment