انا بجد مكسوفه ..مكسوفة الى اقصى حد.
امى انا تبقى حزب وطنية!؟معقوله دى
طيب ليه و على انهو اساس..
هى مبتشوفش الى بيحصل فى البلد مبتنزلش الشارع
هى الصراحه بتنزل..طيب هو فى ايه ؟!
ازااى مقتنعه ان بابا مبارك و ماما سوزان واونكل جمال كويسين يعنى وولاد حلال و مصر مجابتش زيهم ابدا يا جماعة
انا احترم رايها الى اقصى درجه ولكن على انهو اساس تتنفض و تقوم و ماتقعدش لما تسمع ارائى
ومش على لسانها كلمه غير بكرة تكبرى وتفهمى اصلك صوغيره
يا حلاوة ياولاد يعنى مصر مش وحشة ولا طالع عين الى فيها علشان انا صوغيره وبكرة باذن الله كده
لما اكبر ويكون عندى عيال وجوز ادعى عليه ربنا ياخده تبقى مصر تمام و امى و ام الدنيا كمان
يا حلاوة يا ولاد كمان مرة
امال الاخوة الى معدى الشيب على شعورهم دوله شايفين الى انا شيفاه على انهو اساس برضه
لا كده انا من هذا المنبر بقولهم انتوا لازم تكشفوا لانكم اكيييد عقلكم لسه صوغير
مش معقوله الى بيحصل ده!!ازاى تسيبوا نفسكم بالمنظر ده
انا شايفه ان ماما واخده الامور فى تلات محاور (زى محمد صبحى فى فارس بلا جواد)تعالوا كده نشوف
اول محور:
بيقولك ان الجرايد المعارضه و الناس الى بتطلع دى كلها ما هم الا شويه حرامية بينهبوا فلوس من بره و نفسهم يا ضنايا ياخدوا كمان من جوا علشان كده مش هيسكتوا الا لما يمسكوهم مناصب هم كمان
فالناس مالهاش غير الجرايد الحكوميه يا ناس هو فى احسن منها..
ياخرابى على مقالتها الى كلها عن تقدم مصر ووصلها للمراتب العليا
يعنى فعلا هى عندها حق حد يسيب حد عمال يقنعه انه مفيش احسن منه فى الدنيا علشان يروح لحد بيقوله انت واقع فى حفره ومش هتخرج منها يا ولدى!بقى ده اسمه كلام ميصحش مينفعش!
نيجى بقى لتاانى محور
بابا و ماما و اونكل كمان ولاد حلال اه والله و قلوبهم علينا ويارب يخليهم لينا دايما كده يارب قولوا امييين
دايما كده ظاهرين فى التلافزيون و اشى ندوات و اشى لقاءات و شويه افتتحيات يعنى من الاخر يعنى
الناس دى بتعمل الى عليها وزياده
ياجدعان دوله حتى مش عارفين يقعدوا فى بيوتهم ثانيه
بقى بذمتكم فى حد يسيب بيته (قصور اقصد يعنى)ويخرج يعمل الى بيعملوه ده غير علشان هم وطنين
اللهم ما زيدهم وطنيه يااارب
ده حتى المصايف يا جماعه حتى المصايف المخصصة ليهم مش بيروحوها كلها و اخرهم مصيف ولا اتنين
من خوفهم علينا والله..بذمتكم مش ناس طيبين والله
وتاالت محور و اهم واحد يعنى:
طالما انت بتمشى فى الشارع و مبتلاقيش حد قالع هدومه يعنى لامؤاخذه يعنى
و قاعد يصوت ويقول انه عايز ياكل ويخرب بيت الحكومة يبقى اكيد مصر بخير
مصر بخير يا سوسن و يا حسنية
وانا بجد احب اطمن ماما واقولها السنين اهى جايه و بنتك تكبر وتعقل و متبقاش صوغيره
وتحية للحزب الوطنى !
والله ولعبتها صح
امى انا تبقى حزب وطنية!؟معقوله دى
طيب ليه و على انهو اساس..
هى مبتشوفش الى بيحصل فى البلد مبتنزلش الشارع
هى الصراحه بتنزل..طيب هو فى ايه ؟!
ازااى مقتنعه ان بابا مبارك و ماما سوزان واونكل جمال كويسين يعنى وولاد حلال و مصر مجابتش زيهم ابدا يا جماعة
انا احترم رايها الى اقصى درجه ولكن على انهو اساس تتنفض و تقوم و ماتقعدش لما تسمع ارائى
ومش على لسانها كلمه غير بكرة تكبرى وتفهمى اصلك صوغيره
يا حلاوة ياولاد يعنى مصر مش وحشة ولا طالع عين الى فيها علشان انا صوغيره وبكرة باذن الله كده
لما اكبر ويكون عندى عيال وجوز ادعى عليه ربنا ياخده تبقى مصر تمام و امى و ام الدنيا كمان
يا حلاوة يا ولاد كمان مرة
امال الاخوة الى معدى الشيب على شعورهم دوله شايفين الى انا شيفاه على انهو اساس برضه
لا كده انا من هذا المنبر بقولهم انتوا لازم تكشفوا لانكم اكيييد عقلكم لسه صوغير
مش معقوله الى بيحصل ده!!ازاى تسيبوا نفسكم بالمنظر ده
انا شايفه ان ماما واخده الامور فى تلات محاور (زى محمد صبحى فى فارس بلا جواد)تعالوا كده نشوف
اول محور:
بيقولك ان الجرايد المعارضه و الناس الى بتطلع دى كلها ما هم الا شويه حرامية بينهبوا فلوس من بره و نفسهم يا ضنايا ياخدوا كمان من جوا علشان كده مش هيسكتوا الا لما يمسكوهم مناصب هم كمان
فالناس مالهاش غير الجرايد الحكوميه يا ناس هو فى احسن منها..
ياخرابى على مقالتها الى كلها عن تقدم مصر ووصلها للمراتب العليا
يعنى فعلا هى عندها حق حد يسيب حد عمال يقنعه انه مفيش احسن منه فى الدنيا علشان يروح لحد بيقوله انت واقع فى حفره ومش هتخرج منها يا ولدى!بقى ده اسمه كلام ميصحش مينفعش!
نيجى بقى لتاانى محور
بابا و ماما و اونكل كمان ولاد حلال اه والله و قلوبهم علينا ويارب يخليهم لينا دايما كده يارب قولوا امييين
دايما كده ظاهرين فى التلافزيون و اشى ندوات و اشى لقاءات و شويه افتتحيات يعنى من الاخر يعنى
الناس دى بتعمل الى عليها وزياده
ياجدعان دوله حتى مش عارفين يقعدوا فى بيوتهم ثانيه
بقى بذمتكم فى حد يسيب بيته (قصور اقصد يعنى)ويخرج يعمل الى بيعملوه ده غير علشان هم وطنين
اللهم ما زيدهم وطنيه يااارب
ده حتى المصايف يا جماعه حتى المصايف المخصصة ليهم مش بيروحوها كلها و اخرهم مصيف ولا اتنين
من خوفهم علينا والله..بذمتكم مش ناس طيبين والله
وتاالت محور و اهم واحد يعنى:
طالما انت بتمشى فى الشارع و مبتلاقيش حد قالع هدومه يعنى لامؤاخذه يعنى
و قاعد يصوت ويقول انه عايز ياكل ويخرب بيت الحكومة يبقى اكيد مصر بخير
مصر بخير يا سوسن و يا حسنية
وانا بجد احب اطمن ماما واقولها السنين اهى جايه و بنتك تكبر وتعقل و متبقاش صوغيره
وتحية للحزب الوطنى !
والله ولعبتها صح
17 comments:
Hi there,
You are chosen to represent your country in the first international blog
WUB (World United Bloggers)
The aim of this blog is to prove to the world that differences in language, religion,race and nationality do not make us hate each other and we can make this world better if we express our opinions with respect to others.
If you agree to join us please send e-mail with your nick name , age , country and your blog address to sharm_lover@hotmail.com where you will be sent an activation mail which makes you entitled to contribute in WUB, your name as one of the contributor will automatically be updated.Please read the rules before you start any posting in WUB where you will also find the aims of this WUB.
Thanks
Chief WUB,
Sharm .
www.worldub.blogspot.com
امى بقى متحبش تكلم عنهم وحش خالص مع ان جواها بتسب وتلعن و طبعا بتقولى ملكش دعوة بالكلام ده خاااالص لازم نقول ان الدنيا جميلة جدا و احنا فى احسن حال
اعتقد ان امك بتقولك كده بس خوف عليكى مش اقتناع فعلا بالحزب
مبسوط انى اول اللى بيعلق و ان شاء الله اكون على طول
مطلعتش الاول ماشى يا شارم يلا تتعوض
بصى يا ستى انا زيك بالظبط فى الموضوع ده يعنى عندى امى هى كمام شايفه كده و يمكن كمان تكون بتحب مبارك و الدوله و كده بس انا هقولك على حاجه هما بيفكروا كده لانهم ممكن يكونوا فعلا مش حاسيين بالطبقه اللى بتلعن و تسب فى البلد يعنى ان هما كاب و ام كل اللى يهمهم فى الحياه انهم على الاقل بيقدروا يعيشوا ولادهم فى حياه مستقره و بتبقى يعنى مستوره و الحمد لله
بس لا هما حاسيين بقى بجد بالناس اللى عايشه تحت التراب و فى العشش و الناس اللى طالع عين اهلها بجد و ده مخليهم بيفكروا ان كل الناس مبسوطه و ان الحياه فى البلد فل يعنى و كمان احنا شعب عاطفى يعنى بنمشى بمبدا اللى نعرفه احسن من اللى ما نعرفوش و ده بيخلينا ماشين ورا اى حد و السلام حتى ان كان اسوا رجل فى العالم بس احنا ايه اللى يضمنا ان اللى بعده ما يكونش اسوا منه ادينا ماشيين وراه و خلاص
السياسه فى الاول و فى الاخر لعبه ليها مديين و معارضيين باختلاف الميول و المصالح و كل حاجه
تحياتى
sharm:
هاى تو يو
انا كلى فخر طبعا انه تم اختيارى و ده شىء نبيل الى انتوا بتحاولوا تعدوا اليه خصوصا ان انا كنت مشتركه قبل كده فى حاجه شبه كده اسمها مدونين بلا حدود وان كانت شبه اقيلمية مش عالمية اوى يعنى زى ما انتوا بتدعوا..
ولكن سؤالى الفعلى هو على اى اساس تم اختيارى انا مفتكرش انك جيت مدونتى هنا قبل كده طيب و ياترى هم كتير اوى تم اختيارهم طيب وبرضه هنقعد نعمل ايه فى البلوج ذاته انا اه احب اكون عضوه فيه ولكن هنقعد بقى نتكلم فيه هو ذات نفسه عن ايه:)
محمد ياسر:
يا هلا ياهلا يا محمد اعتبر نفسك اول واحد رديت يا فندم ولا يهمك و الجايات باذن الله اكتر من الرايحات:)
وبالنسبه بقى للست الوالدة يعنى مش عارفه مش واثقه اوى انها خوف عليا قد ماهو فعليا اقتناع يعنى
شريف غريب:
وده الغريب انهم مش حاسيين يعنى..يعنى ماما بتعشق حاجه اسمها النشرات عندها ده ميعاد مقدس نشره 12 و 3 و 6 و9 و خمسميه كمان وكان خلااص يعنى لو متفرجتش مصر يجرالها حاجه
وبالنسبة الى نفسطه يعنى ان ممكن نكون احنا الى على خطأ وهم الى صح مش بعيده ومش بعيد فى السياسه كل حاجه و يطلع الاجيال الى ورانا يمجدوا مبارك بس الفكره هى اازاى نكون احنا على غلط قصاد كل الى بنشوفه ده!
لا حول ولا قوة الا بالله
إحنا شعب عِشري
و العشرة ما تهونش إلا علي أولاد الحرام
و إحنا عرفنا الحكومة و حفظناها
و المثل بيقول
اللي تعرفه أحسن من اللي ما تعرفوش
و جيمي واحد في اليد
أبرك من عشرة علي الشجرة
ملحوظة : والدتك عندها حق في نقطة معينة
و هي أن أي حد ها يركب السلطة ( بضم السين طبعاً و ليس بفتحها هي و اللام ) ها يسرق و ها يستخدمها لخدمة مصالحه الشخصية
و أقر و أعترف أنا شخصياً إني ها أهبش و أجري و أقتل القتيل و أمشي في جنازته .. لو وصلت للكرسي الكبير
أما جنس الوطنيين .. فأعتقد أنهم ها يحطوهم في محمية طبيعية علي حدود السنبلاوين و ييجي السواح يتفرجوا عليهم و يرمولهم صوابع الموز و فول سوداني
لأنهم جنس أوشك علي الإنقراض
ياسر:
شكر الله سعيكم
على باب الله:
ونعم التفائل حقا
هو الصراحه ماما مش عندها حق فى النقطه دى بكل بساطه لانها مقالتهاش خالص ده انا الى بحاول انى احط نفسى مكانها و اشوف هى بتفكر ازاى و على اى اساس وصلت لتفكيرها الى هى فيه ده
(وربنا يهدينا جميعا يعنى)بجد شكرا على ردك
ومتنسناش بقى بالموز لما يودونا السنبلاوين
اولا
حمدلله ع السلامة
ثانيا
فعلا
لعبوها صح
ومين قال ان مافيش ناس ماشية في الشارع من غير هدوم وبتقول انها مش لاقيه تاكل
ومين قال ان مفيش شباب مهندسين ودكاترة وبيشتغلوا عمال نظافة وسواقين
معليشي احنا لسه صغيرين بردو
محمد سمير
ادم المصرى:
اولا الله يسلمك يا فندم
وثانيا
شوفت بقى..
نورت البلوج مرة تانية
غمض عينيك:
فعلا احنا لسه صغيرين!!
انا لسه متفرجه على فيلم v for vendettaللمرة المليون مثلا
وقعدت افكر ياترى بقى احنا لو كان عندنا v
كده يا ترى الشعب هيقوم فعلا ياترى الناس هتفتح عينيها بجد ولا تفضل مصدقه الكذبه الكبيره
هايبقى فيه تجمع زى اخر مشهد ولا مجرد الناس الى لسه صوغيرين يعنى !!
وكله يقول وانا مالى والخوف راكبهم!
ياعم هى بلدنا دى بلد الباشوات!!!
بجد مش لاقيه اجابه
معلش بكره تكبر
واحم...تعقل
على فكرة
انا عارفة هيه عملت كده ليه
عشان تطلع رحلات ببلاش
بيطلعو رحلات حلوه اوى.
ببلاش
اسأليها كده هتقولك اه
المهم,انتى كنتى ميته ؟البلوج العنكبوت عشش عليه وموش بلاقى اونلاين خالص,واذ فجاءه العنكبوت اتنفض و اونلاين على طول زى الايام الخوالى وهاريانى مسيدات وعايزه تخرجى
ايه الصحوه دى؟
منار
على فكرة فيه نا كتير بتحب حسنى مبارك بجد مش هزار
بس نفسى اعرف ليه
sasoo:
ماهو ياريت كان فيها رحلات اصلها حزب وطنيه من بتاعه بيتكم بيتكم يعنى مش فىالحزب يعنى وانما بتشجعه قالبا و قالبا و احنا معاك يا ريس
وبعدين اموت تتضايقوا اصحى تتضايقوا اعمل ايه يعنى !!
ياستى لو على الميسدات خلااص موش لازم..بس ابقى خلينا نشوف وجه سيادتك الكريم قبل ما اموت اقصد الدراسه يعنى تدخل
طاهر:
وده فعليا الى انا بتكلم عليه الى ماما تعتبر منهم
فعلا بيحبوه مش هزار ولا حركات روشنة..حب حب يعنى
الى هو الرئيس الاجمد الى جه على تاريخ مصر بجد انا الى هاموت و اعرف واى؟؟!
على فكره بوستى الجديد نزل
مستنى تعليقك
سلام يا باشا
تحياتى و بعدين انتى اتاخرتى ليه فين الجديد
شريف باشا:
البوست الجديد نزل اهو يا فندم
والتعليق تم على بوستك الجديد
تحياتى
يا جماعة انتوا مش فاهمين هما لية بيقولوا كدة مش عشان هما حاسيين ان فعلا بابا حسنى وماما سوزان واونكل جيمى ناس طيبين وقلبهم قلب خساية هما صحيح طيبين وعشريين ايييييييي وعلى راى على باب اللة العشرة متهونش غير على ولاد الحرام الا انهم مش بيقولوا كدة عشان العشرة هما بيقولوا كدة عشان شافوا الى اوسخ من كدة شافوا الحرب والسواد كلة فهما دلوقتى بالنسبالهم اللد فى مرحلة ازدهار وتطور وشيفين ان كل حاجة اصبحت منتشية ومنتعشة بالنسبة لقبل كدة
Post a Comment