ميرسى للدكتور صاحب مدونة(اياكش تولع).على السؤال ده
ايه الى بيخلينى احس بالسعادة؟
ايه الى بيفرحنى
حاليا.. انى اسمع صوت بابا او ماما..
انهم يكونوا راضيين عنى(للاسف ده كان فى الماضى اهىء اهىء(
ايه الى بيخلينى احس بالسعادة؟
ايه الى بيفرحنى
حاليا.. انى اسمع صوت بابا او ماما..
انهم يكونوا راضيين عنى(للاسف ده كان فى الماضى اهىء اهىء(
القرب من ربنا ..بيخلى اى واحد فرحان وحاسس بالرضا
انى اكون اتفرجت على فيلم جاااامد بجد تمثيل بقى و اخراج و كله ببقى فى قمة السعاده
(انى اشوف عظمة قدامى( مثلا نقول فيلم الاب الروحى و هو خير مثال على القمة
(استمع كده لاغنية وهمية كده و اندمج معاها( عبد الحليم على سبيل المثال
اكون قاعده مع صحابى كده و قاعدين بننم على البشر و بنضحك( غالبا سيتى ستارز مقرنا الرسمى
(واخده بالك يا شيمو
لما اقرى قصة تشدنى كده باسلوبها و اقراها مرة و اتنين وتلاته
لما العب استماشين او ترنيب و ابقى الكينج كده او الساب كينج و اخويا دايما يبقى ياما الكوز او الساب كوز (دايما يقول انى انا السبب لما مبكونش موجودة بيغلب الجميع بشهادتهم الظاهر انى ليا عوامل مؤثرة عليه
لما نكون ملمومين الشله فى محادثة واحده على الماسنجر و تلاقينا كلنا بنخبط فى بعض و بنستفز بعض كانها هى دى مهمتنا فى الحياه و احلى ما فى الموضوع نقضيها ضحك(اه منكم يا شلة الفساد(
انى اكون اتفرجت على فيلم جاااامد بجد تمثيل بقى و اخراج و كله ببقى فى قمة السعاده
(انى اشوف عظمة قدامى( مثلا نقول فيلم الاب الروحى و هو خير مثال على القمة
(استمع كده لاغنية وهمية كده و اندمج معاها( عبد الحليم على سبيل المثال
اكون قاعده مع صحابى كده و قاعدين بننم على البشر و بنضحك( غالبا سيتى ستارز مقرنا الرسمى
(واخده بالك يا شيمو
لما اقرى قصة تشدنى كده باسلوبها و اقراها مرة و اتنين وتلاته
لما العب استماشين او ترنيب و ابقى الكينج كده او الساب كينج و اخويا دايما يبقى ياما الكوز او الساب كوز (دايما يقول انى انا السبب لما مبكونش موجودة بيغلب الجميع بشهادتهم الظاهر انى ليا عوامل مؤثرة عليه
لما نكون ملمومين الشله فى محادثة واحده على الماسنجر و تلاقينا كلنا بنخبط فى بعض و بنستفز بعض كانها هى دى مهمتنا فى الحياه و احلى ما فى الموضوع نقضيها ضحك(اه منكم يا شلة الفساد(
لما اكتب شعر او خاطرة واحس انها بجد عجبت الناس بحس ان الحياة حلوة
لما الاقى اى كومنت جديد فى المدونة بفرح اوى
لما بلاقى اى حد بيتصفح مدونتى غيرى
لما بلاقى حد ضايفنى عنده
(اظن ان كل المدونين قالوا التلات جمل دولة)
لما الاقى اى كومنت جديد فى المدونة بفرح اوى
لما بلاقى اى حد بيتصفح مدونتى غيرى
لما بلاقى حد ضايفنى عنده
(اظن ان كل المدونين قالوا التلات جمل دولة)
لما اكتسب صداقة حقيقيه بجد بفرح اوى
لما اقعد العب مع ميكى كده و اشوفه فرحان
لما اقعد اتناقش مع حد يحترم راى و احترم رايه
لما ابقى قاعده فى العربيه وببص من الشباك ومشغله اغانى و اقعد اسرح
كفايه كده اوى
ياريت بقى كل الناس الى حاطهم فى لينكاتى يتفضلوا يردوا على السؤال
وخصوصا: ادهم.. شيمو..محمد ياسر.. ياسر.. و ليو
لما اقعد العب مع ميكى كده و اشوفه فرحان
لما اقعد اتناقش مع حد يحترم راى و احترم رايه
لما ابقى قاعده فى العربيه وببص من الشباك ومشغله اغانى و اقعد اسرح
كفايه كده اوى
ياريت بقى كل الناس الى حاطهم فى لينكاتى يتفضلوا يردوا على السؤال
وخصوصا: ادهم.. شيمو..محمد ياسر.. ياسر.. و ليو
26 comments:
السؤال الى منار سألته لنفسها، سؤال جميل .
ممكن نصيغ السؤال باسلوب تانى ، ونقول ايه الحاجات الى كل واحد فينا بيتمناها وبنخليه سعيد.
منار قالت لينا حاجات كتير اولها حب مامتها وباباها ، وحب ربنا وطاعته.
دا شئ جميل جدا.
وانا من ناحيتى شايف ان الحاجات الى بتخلينى سعيد.
ان ربنا يكون راضى عليا ، وطبعا رضا ربنا هايجيب رضا ماما عليا ، ورضا الناس كلها.
كمان اما بشغل ميوزك هادى وأقرأ كتاب جميل مع فنجان قهوة.
ساعتها بحس انى بروح لعوالم الكتاب الى بقراه وبتعرف على حاجات جديدة فى مجالات مختلفه.
وساعتها بكون سعيد جدا.
ولما أتعلم حاجه جديدة بعض النظر عن كنهها، بحس انى فعلا لسه عايش ، ديه يمكن من اللحظات القليلة الى بحس فيها انى عايش فعلا، واستحق الحياة الى انا عايشها، أما اتعلم شئ جديد فى الحياة.
و لما افتح برنامج ما فى الكمبيوتر او اقرا درس فى شئ ما فى الكمبيوتر
فى بادئ الأمر بحس ان الى قدامى دا رموز صعبة التفسير وانى عمرى ما هاتعلم الشئ دا. وانه صعب جدا
بتمر ساعة ورا ساعه ، وبلاقى نفسى اوشكت على اتقان الشئ دا.
ساعتها بفرح جدااااا.
حاجات كتير فى حياة الانسان بتخليه يشعر بالسعادة .
كتابتى للبوست دا فى حد ذاتها بتخلينى اشعر بالسعادى .
لانى تفكيرى فى ايه الحاجات الى بتخلينى سعيد. بتخلينى أكتشف نفسى مع كل كلمة بكتبها.
ودا شئ جميل انك تعرف نفسك .
شكرا لصاحب السؤال وصاحبة المدونة.
منورا..
إنتي طيبة قوي
مش عارف حسيت كده من أجوبتك .
:)
تحياتي
انا رديت فى بلوجرى
جهبذ
شكرا يا سيدى على اجابتك على السؤال ده فى ردك
عبدو باشا:
شكرا كتيير
والله كلهم بيقولوا كده فى الاول
:p
ههههههه
ياريت لو تحب ترد على السؤال ده عندك فى المدونة اكون سعيده
محمد:
شكرا كتير على الرد هناك
هئ..!
حاولت ان اجيب على هذا السؤال الصعب..في المدونة..!!
الغريب ان الانسان قد يعرف ماذا يسعده
لكنه لا يذهب تجاهه..
وانا اقول "ان اغلب من مات بالغرق كان الشاطئ على مرمى بصره"
هئ هئ هئ
مصمار:
شكرا يا فندم على ردك فى مدونتك
فعلا و انا بقول عكس ما تقول بالظبط
الرحمه يا ربني
يرضي مين دا بس التدبيسه دي
شيمو:
معلش يا جميل
نحن السابقون و انتم اللاحقون
شعور جميل واحساس دافيء هذا الذي يشعر به الانسان عندما يتذوق السعادة
عندما قرات كلماتك في هذا الجواب علي السؤال الذي تكرر كثير في الكثير من المدونات احسست بشخصية فريده
بسيطة في فرحتها
بسيطة في كلامها
اخر مرة حسيت فيها الشعور ده كنت بسوط وطاير م الفرحة
انا فاكر اليوم ده كويس .. كنت حاسس بالبراءة
البراءة اللي باين في صوتك اللي بيرن في وداني وانا بقرا كلامك
مساكوا حليب يا جماعة هو فيه إيه حاحاول أفهم العملية دي و أرجعلكم
محمد عماد حجاب
سا الخير عجميع.
الدنيا حر ليه هنا؟؟
متتاخر يابنى شويا
شيء ايجابي ان الواحد يفكر في الحاجات اللي بتخليه يبقى سعيد..وخصوصا في الاوقات دي..
ادم:
شكرا على ردك
كلامك اسعدنى
:)
عماد باشا:
مساك حليب يا فندم
لما تفهم و النبى ابقى تعالى فهمنى معاك
علشان العمليه لخبطة خالص
جهبذ:
سالنور يا سيدى
شايف الشباك الى قدامك ده افتحه هتلاقى الدنيا مبقتش حر
ولو تعرف تنط منه كمان تبقى ريحتنا يعنى
محمد:
اها هو فعلا شىء ايجابى جدا
خصوصا ان الواحد الايام دى مبقاش بيعمل حاجه غير انه يعدد مصايبه
وانا بشكر الدوك صاحب مدونة اياكش تولع انه خلى الواحد يقيم حياته من منظور اخر
الحياه مش كلها كئابه و مصايب بس
يااااخبر أومال بتزعلي إمتى
هاها شكلي كده داخل على قر
الله الله على الناس الى داخله تقر
بصولنا بقى فى الحاجات الى بتفرحنا بقى
وانا بقول انا بقيت الكوز ليه النهارده فى استماشين
منكم لله تلك سابقه لا تليق بسمعتى
و اخويا بقى الكينج!!
انا مش هانشرلكم حاجه فى المدونة دى تانى
:P
انا بجد معجب بكتابتك
وخصوصا انك عرفتى الناس ان حب ربنا هو اسمى معانى السعاده
بجد انتى عسوله والكلمات الى بتكتبيها زى السكر
بس فى حاجه مهمه تخلى الواحد اسعد مخلوق ويحس انو مالك الدنيا
انى احب واتحب حب بجد مش زى بتاع اليومين دول وانى الاقى الفرحه فى عين الى بحبها اكيد هكون اسعد مخلوق
ادعيلى انى الاقى الانسانه الى تقدر تسعدنى
وياريت تزورى البولج بتاعى وتقرى موضوعاتى
lw kan kol wa7ed fel bld de baseet keda ...... absat 7aga btfre7oh yeb2a 27na fel ganah .... w yeb2a 3l donia eslankateh
manora alla6eefa, ziyarati il 2oola li modawwanatik, la6eefa jiddan.
keep up the good work:)
me*
وده كومنت جديد عشان تبقى فرحانه
يا رب تبقى فرحانه على طول
النوبى:
اهلا بيك فى البلوج
نورتنى
كلامك صحيح مئه بالمئه
اكيد الحب من اكتر الحاجات الى بتخلى الواحد فى قمه السعاده
ربما يساعد الواحد عن تخطى اى حاجه..
بدعيلك اكيد..:)
كلمة:
مرحبا بيك
الظاهر ان فى فوج جديد بيعبر على مدونتى
و انا فى قمة السعاده بده بجد
شكرا على ردك.
عندك حق بس الواحد مش بسيط برضه اوى كده
:):)
خالد:
اظن انك اول عراقى اشوفه فى مدونتى
ده شىء يفرحنى جدا
على الله متكونش دى الزياره الاولى و الاخيرة
شكراعلى مرورك
كلاام:
الظاهر انى لما جيت اكتب الرد بتاعى على الكومنتس كنت انت بتكتب كومنت و انا ماختش بالى غير بعد النشر
بجد شكراااااا
مش عارفه يا جماعه انتوا بجد مفيش زيكم..
فعلا بجد فرحانه
شكرا:)
السعادة؟
طيب
مش عارف بس انا شايف انكم كلكم بتتكلمو عن سعادة لحظية
يعني بتحصل في الوقت بس اللي بتتم فيه الحاجة
لكن فين السعادة المستمرة؟
السعادة اللي ممكن تخليك تكمل حياة كل يوم وتستحمل اللي حوليك
انا متفق مع الكل على السعادة اللي اتكلمو عليها
بس حابب اني ازود حاجة على محمد عيد في حكاية التعلم
انا شايف ان السعادة مش في التعلم بحد ذاته
انما بتطبيق العلم دة في الحياة
يعني انا متعتي اني اتعلم حاجة واطبقها في الحياة العملية ايا ماكانت الحاجة دي
حاجة تانية بتسعدني
اني اساعد حد فعلا بحس ياهميتي او ممكن اقول الكلام بصيغة تانية ان ربنا يستعملني في مساعدة حد
دي من الحاجات اللي بتخليني اقدر اكمل حياة كل يوم ومافكنيش من نفسي
طبعا في اهم حاجة في حياتي وتقريبا اللي انا عايش عشانها
بس من غير تريقة
اني احرر القدس
عندي نوع من الايقان اني هاحررها بأذن الله
او على الاقل تحرر وانا عايان شاء الله
منورة
لاحظت أن إجاباتك على التاج أو التفريجة كما أسميها كلها إجابات عامة بمعنى أنها ليست خاصة بمنورة ، بل من الممكن أن تكون مناسبة لأي شخص آخر فتاة أو شاب
إيه رأيك ؟
عموما أنا تصفحت مدونتك وعلقت هناوحأعملك لينك ، يعني 3 أسباب مرة واحدة
ماشي الحال ؟
ياسر:
فعلا عندك حق سعاده لحظية..
بس مظنش ان الواحد بقى عارف يكون سعيد لفتره طويلة بدون ما تتنغص عليه عيشته و تقلب باكتئاب..
فالى يبقالنا هى السعاده اللحظية دى
عموما زى ما قولتلك قبل كده يارب تحقق سعادتك دى
فيلم 69:
هو يكن اه عندك حق
بس اظن انه ان تقاربنا الشديد فى التفكير او طريقة الحياه ونفس المجتمع يجعلنا نشعر بالسعاده من حاجات مشتركة ما بينا
عموما انا بحاول افكرلك فى حاجات تانيه خاصه بيا تفرحنى
وبجد شكراااا على اعطائى 3 اسباب تفرحنى بالمنظر ده
فعلا شكرا
ياسر بيه، كلامك صح جدااا ودا شيء للاسف انا مفتقده، يعنى انا نفسى ابقى زيك واطبق الى اتعلمته مكتفيش بمجرد تعلمة
( الهم انى اعوذ بك من علمٍ لا ينفع)
فعلا ، بس فى حاجات كتير جدا انا بتعلمها مش بلاقى ليها تطبيق او تنفيذ فى الوقت الحالي، ممكن بعد كدا، بص بصراحة انا مش بتعلم الشئ دا من منطلق انى انفذة او اشتغل بيه، انا بتعلمه من منطلق الفضول.
اما لصحابه المدونة، فلكى أهدي صباحًا معطرًا بجنائن الورود المصطفقه بعبير الياسامين ورفات جناح طائر الكناري حينما ينشد سيمفونيته البديعة مسبحًا رب السماوات.
لكى صباحًا كنبضات قلب زهرة اللوتس فى صباح ربيعي خلاب.
(((أما عن أسباب كونك الكوززززز
فالى عايز اقلهولك انك عمرك ما كنتي غير الكوزز يا كوززز
متبقيش تلعبى مع ناس فطاحلة يابنتى ، وخدى بالك احنا بنسيبك تكسبي على شان نرفع من روحك المعنوية بس
أوعى تكوني صدقتى المرة اليتيمة الى طلعتى فيها ساب كينج تقريبا، ديه كانت صدقة))
محمد عيد باشا
بعد السلاام و التحية
اشكرك طبعا على ردك الرائع
و ارجو تذكير فخامتكم بانكم كنتم الكوز فى اخر مرة
مع العلم بانه لن اكون معك فى الترنيب بعد الان
وشكرا!!
:p:p
Post a Comment