الحكومة بتعلنها بصراحة
مفيش حد اكبر منى!!
والى مش عاجبة يخبط دماغة فى الحيط..
او هنخبطله احنا دماغه فى الحيط
باى من الطريقتان هتتخبط دماغه فى الحيط يعنى هتتخبط دماغه فى الحيط!!
....
اعتقال علاء و مالك و ناس كتيرقبل كده
ثم اعتقال حوالى 300 معارض فى مظاهره النهاردة!!!
ايه الكمية المهولة دى من البشر!!
مفيش حد اكبر منى!!
والى مش عاجبة يخبط دماغة فى الحيط..
او هنخبطله احنا دماغه فى الحيط
باى من الطريقتان هتتخبط دماغه فى الحيط يعنى هتتخبط دماغه فى الحيط!!
....
اعتقال علاء و مالك و ناس كتيرقبل كده
ثم اعتقال حوالى 300 معارض فى مظاهره النهاردة!!!
ايه الكمية المهولة دى من البشر!!
....
مش عايزينكم تعملوا مظاهرات تانى ولا اعتصامات
مش عايزينكم تعملوا مظاهرات تانى ولا اعتصامات
مش عايزين حد يخرج يقول لاء فى البلد دى
هو ده الى الحكومة بترسله للناس
و بعد ما كانت المعارضة علنية هتصبح فى نطاق السرية
الحكومة هتفضل تعتقل فى الناس لغايه لما ميتبقاش حد يقول لاء اصلا
هل هى دى الخطة؟
اذا فانا بحيى الحكومة على انها قررت تعمر السجون
و استرجع معاكم الاغنية الرائعة
عايزينها تبقى خاضرة
الارض الى فى الصحراء
و طبعا الصحراء هنا تعنى السجون
هو ده الى الحكومة بترسله للناس
و بعد ما كانت المعارضة علنية هتصبح فى نطاق السرية
الحكومة هتفضل تعتقل فى الناس لغايه لما ميتبقاش حد يقول لاء اصلا
هل هى دى الخطة؟
اذا فانا بحيى الحكومة على انها قررت تعمر السجون
و استرجع معاكم الاغنية الرائعة
عايزينها تبقى خاضرة
الارض الى فى الصحراء
و طبعا الصحراء هنا تعنى السجون
25 comments:
صدقيني هيقبضوا علي كل الناس حتي ام ابراهيم بائعة الفجل علي سان بتقول عا رايس يا فجل
مهندس مصرى
يا هلا بيك
نورتنى
..
بقى لا هنعرف نقول لاء و لا هنعرف نشترى فجل كمان!!
لا ده كتير اوى كده
يعنى كان ممكن نستحمل و نكتم ال (لا) الى تعابانا بس الفجل ده مين ممكن يستحمله!!
فعلا عندك حق..
بس ياريتها جت على المدونات دى بقت فى كل حته
فى الوشوش و العيون بتشوف القهر و كلمة كفاية بتشع من عيونهم
بس ان شاء الله البوست الى جاى كله نكت علشان خاطرك يا سيدى
السجون كده هتشيل ناس اكتر من اللى براها بكتير عشان يعملوا اللى عايزينه فى البلد لوحدهم بقى
فكّرتينى بالمتهم اللى مسكته الداخليه بعد الانفجارين بتوع الأزهر
وبعد كام يوم طلع بيان بيقول إنه انتحر فى السجن
إزاى ياجماعه؟
قعد يخبط دماغه فى الحيطه لحدّ مامات ياباشا !!!
وتقولى بعد كده يا إبراهيم باشا إن مافيش نكت
معلشيا منورة انا مش مع الناس اللي طلعو في الاعتصام
يعني بعد كل اللي حصل قبل كدة دة واحنا عارفين ان احنا نازلين وفيه مننا ناس هايعتقلوهم ليه ننزل يبقى اللي نازل بقى عارف اللي هايحصل له ويستحمله
غير كدة انا شايف ان الوقف كله انهم في موقف قوة واحنا في موقف ضعف يبقى ازاي نواجههم في قوتهم وليه مانسحبهمش في اتجاه قوتنا
يعني الوار كله كالاتي عيل صغير كل يوم يروح لواد فتوة عشان يعتلرض الفتوة هايسيبه لا والفتوة اصلا هو اللي حاطط قوانين الشارع يبقى مافيش حد ممكن يمنعه
يقوم العيل يروحله برضو كل مرة !!!!!!دة بدل مايشغل مخه ويفكر له في حاجة يوقعه فيها؟؟؟
واللي اقصده من كدة اننا برضو بنكرر نفس الغلط كل مرة و الناس اللي بتعرف تشغل مخها ام منفضة او قاعدة في البيوت مابتعملش حاجة وبتشتغل الناس اللي حواليها
وانتي فاهمة انا اقصد ايه
محمد :
فعلا انا كنت عايزة اقول الحته دى
السجون هتحل ازمة السكان الى برة و تعملنا ازمة سجون
ربنا يكون فى عون الحكومة و تبنيلنا سجون اكتر اوكتر
قولوا امين
ليناردوا:
شرفتنى زيارتك
فعلا و النكت الى من النوعية دى جايه اكتر و اكتر
ياسر باشا:
طبعا احب اول حاجه ااقولك ما تكشف
وثانيا انا موافقه معاك فى نقطة انه كان من المتوقع انه هيكون فى اعتقالات و الخ..
بس يا ياسر الناس الى رايحة معظمها ان لم يكن كلها مش خخايف من الاعتقال مش هاقولك شايفينه شرف لسنا ملائكة ولا كلنا جيفار ولكن الناس الى راحت دى و عارفه الى ممكن يحصلها راحت لانهم مينفعش يسكتوا اه هيتسحلوا و اه هيتسجنوا ولكن هم عايزين يكونوا رجالة على الاقل مقعدوش فى بيوتهم و مسكوا الريموت و شربوا شيكولاتة ساخنة و بيتفرجوا على كارتون
اكيد انت فهمتنى انا كمان زى ما انا فهمتك يا باشا
واختم قولى ب ما تكشف ايضا
تطور ملحوظ الى الحقل السياسى سيدة مانورا
اهنئك
معتقل عن معتقل يفرق
ولما يكون في دعوة للمعتقل غير لما اروح له بايدي من غير دعوة
وماظنش ان الشوكولاته السخنة وحشة للدرجة دي
اعتبرها حرب ياعمّ ياسر
ماتقدرش تسيب ساحة المعركه وتهرب لأنك عارف إن عدوّك أقوى
لأن ده معناه الهزيمه
ولو انهزمنا المره دى مش هنعرف نقوم تانى
احنا ماصدّقنا
وأرجوك ماتقولّيش إننا نعمل تراجع تكتيكى لحدّ مانعيد حساباتنا ونجمّع قواتنا
ماعندناش مكان نتراجع فيه
الحاجه الوحيده اللى مانعه الحكومه من القبض على كل اللى عاملين بلوجات دول وكل المعارضين هىّ الناس اللى نازله فى الشارع دى
يعنى الحكومه لو قضت على المعارضه اللى فى الشارع دى هتلتفت بقى لكل الأشكال التانيه وبنفس العنف
هتتقفل الجرايد ومواقع النت
هيتقبض على كل صاحب بلوج بحجّة نشر الفوضى وبعث الفتنه فى صفوف المجتمع
أى شويّة هيتجمّعوا على قهوة وللا فى الجامعه هيلبسوا قضيّه ويترموا فى السجن
المانع الحقيقي
لان هم سايبين الناس هو بصراحة كذا سبب
منهم الشكل العام ادام امريكا صحيح و شكل اهبل وعبيط بس اهو بيقولو انهم بيسيبو الناس
وتاني حاجة لانهم عارفين ان الجموع الغفيرة من الشعب تحت ايديهم بالفقر مسيطرين عليهم سيطرة كاملة
لو
كنت عاوز تعمل حاجة في البلد لازم توصل لقلب البلد اللي هم ملايين الفقرا المعتقدين ان لا حول لهم ولا قوة
وعلى فكرة منهم البلطجية وامناء الشرطة والعساكر اللي بيضربوا المتظاهرين
خلينى معاك ياسيدى
لازم توصل لملايين الفقراء
هتوصل لهم إزاى؟
إزاى بعد كل ماوسائل الإعلام وكمان المناهج الدراسيه زرعت فكرة تأليه الحاكم والحكومه
وإننا كشعب مالناش دعوه بالناس دول
إزاى بعد مابقيت كمواطن بتخاف تواجه أى عسكرى صغير لايرميك فى الحبس بقانون الطوارىء
إزاى هتقدر تقنعهم إن المياه والكهرباء والتليفونات والمجارى دى من حقوقنا كمواطنين مش فضل ونعمه من الحكومه
إزاى هتقدر تزرع فى نفس مواطن فقير القوه والشجاعه إنه يقف قدام الحكومه ممثله فى ظابط أو مدير أو حتى موظّف طالب منّه رشوه
إذا كنت هتستسلم لمنع الحكومه أبسط حقوقك فى التعبير عن رفضك لسياستها بطريقه سلميه
دور الاعتصامات دى مؤثر فوق ماتتخيل
كفايه بس إنه بيوضّح للناس إن الحكومه مش بعبع وإن مبارك مش أزلى
والذل مش قدرنا
ممكن واحنا الضعفاء نقف ونعترض على الأقل
مش يبقوا سارقينا وضاربينا وناهبّينا وكمان نقول حاضر !!
فيه مثل شعبى بيقول
"اللى يعمل ضهره مسطره, يستحمل الدوس"واحنا اندسنا كتير يا ياسر
وبعيد عن النقاش الفكرى هالفت نظرك لحاجه
كل اللى بيطلع فى اعتصام عارف كويس إنه ممكن يعتقل ويهان ويعذّب ورغم كده مصمم
إنت مش هتخاف عليه أكتر من نفسه
وبعدين ماحدّش بيصيبه الضرر غير اللى بيتظاهر
إذا كان على تقفيل الشوارع والميادين فده بيحصل لما الريس ببقى معدّى من غير أى مظاهرات
لو ضايقك إن شارع اتقفل أو مصلحه اتعطّلت بسبب مظاهره أو اعتصام سلمى اعتبر إن الريّس معدّى
وبعدين مش ذنب المتظاهر إن الحكومه بتضربه وبتعتقله
ده ذنب الحكومه
مش عايزين نخلط الورق
ماهو دة اللي باتكلم فيه
ازاي نوصل للفقرا
احنا بنمثل كان في الميه؟
وهما كام في الميه
والحكومة كام في المية؟
هاقول لك بصراحة انا ليا طريقتي في التواصل للفقرا
ازاي التعامل معاهم
وانا بصراحة مابحبش اقول انهم فقرا
لان فيه كتير من الطبقة المتوسطة برضو كدة
وفيه منهم كتير انا الحمد لله قدرت اوصلهم لانهم يعبرو عن فكرهم وفيه منهم من اصحاب المدونات المعروفة دلوقتي
لكن برضو في النهاية دي طريقتي اللي بتتماشى مع شخصيتي
عامة هي مش معضلة انا بحلل شخصية اللي قدامي وبشوف ايه هي انسب طريقة لتوجيهه وبعد كدة هو بياخد طريقه
لكن صدقني اخرة الاعتصامات ايه في الاخر
انا مش بقول كدة من اللا واقع
على فكرة انا كنت في فترة من اكتر الناس اللي بتنزل في المظاهرات السلمية و الاعتصامات لكن على مبدأ الحديث الشريف (المؤمن كيس فطن) فانا اعدت حساباتي وشايف ان دة كله كأني بضرب في موجة بحر انا اللي هاتعب في الاخر وهي هاتكمل
لااااااااااااازم يكون في حل تاني دة مش حل ابدا ولا هايجيب ولا هايودي
فضلوا ساكتين ساكتين ساكتين لحد ماصدقنا إن فيه حرية بجد ، بس ياعيني ماقدروش يستحملوا
الحكومة دى عايزة الحرق كلام عن الحرية فقد لكن اللى يصدق ويمارس حريتة مصيرة معروف
ادعى معى عليها
الحكومه عندنا كانت متبعه مبدأ اخبطوا راسكم فى الحيط لمده طويله
كانوا بيسيبوا الناس تتكلم وتبرطم و ينفضوا
بس اللى بيحصل جديد عليهم
قواعد اللعبه اتغيرت وما حدش قالهم
صدقينى اللى بيحصل ده اضطراب منهم وحيره
هما اتعودوا على شعب مستسلم
بس الامور اختلفت
التغيير حصل غصب عنهم
التغيير مش تغيير كرسى او تغيير مسئول كبر او صغر
التغيير تغيير فكر وعقول ووجهه نظر
وخلاص ده تم والحمد لله
ان ده يبتدى يؤثر على الاحوال والمعايش فى مصر
دى مساله وقت
مستر شيرلوك:
ثانك يو
ياسر:
معتقل عن معتقل يفرق اكيد..
بس الى نازلين فى المظاهره زى ما قولت عارفين انهم هيتاخدوا ان ماكنش الان فلاحقا..
فمش موضوع عندهم تذكرة دخول ام لاء
وطبعا الشيكولاته الساخنة مش حاجه وحشة
ليناردو:
اها بالظبط معاك فى كلامك هنا
ده الى مانع الحكوممة من القبض عليك و عليا و عليهم
ياسر مرة تانية:
لا ده ممكن يكون سبب من الاسباب بس ابدا مش هو السبب الرئيسى
يابنى ماهم منعوا تماما المظاهرات زى ما انت شايف و فى خلال ما الدنيا كلها بتبصلنا على الى حصل الخميس الى فات
يعنى مفرقش المنظر العام بقى فى حاجه
ليناردو و ياسر انا بقترح تفتحولكم بلوجكم الخاص واحد يتكلم و التانى يرد عليه علشان
مش كل ما اروح فى حتة الاقيكم انتوا الاتنين بتتكلموا
احمد شوكير:
فعلا بالظبط ده الى حصل
حسسونا انه فيه حرية علشان كله يطلع من مخبئه وكله يوريهم وشهم الحقيقى
ويعرفوا مين عنده القدرة بجد يقول لاء
علشان يتم احصائهم ثم اقصائهم
تامر:
فعلا بدعى معاك وكلنا بندعى معاك صدقنى
كلام:
فعلا كلامك صحيح مئه فى المئه
تحركاتهم دى كلاها و اعتقالتهم و منعهم للمظاهرات بيدل على شىء واحد انهم فعلا خايفين من ان الى الناس بتعمله مش مجرد وقوف فى شارع و هتاف ضد نظام حاكم!!
الموضوع اكبر من كده بكتير
وان مكناش هنسكتهم دلوقتى مش هنعرف
نورتنى فعلا
انا مع ليوناردو(ا) فى كل ما قاله ، واخالف ياسر فى بعض النقاط ، وأشفق على المستضيف (منورة) من تلك الحرب الكلامية الدائرة ، وقبل النهاية ..
أحني رأسي لك يا ليوناردو احترامًا.
أنا هافترض ان الناس كلهم بقوا مؤدبين وابتعدوا عن التظاهر والهتافات وكل أشكال الوقاحة السياسية
تفتكري ان كل هؤلاء الصامتين مش هايكونوا أسرى زنزانة أخرى بس مساحتها أكبر حبتين؟ ... زنزانة أنا وانتي والمتظاهرين النشطين والساسة المعتزلين, والطبقات المهمشة من الكمسارية وبائعي البقدونس ... (كلنا ..كلنا بالصلاة ع النبي) ... محبوسين فيها لكن ضخامتها لاتسمح لنا برؤية حدودها وقضبانها؟
خلاصة القول ... ماهو سجن في الحالتين... تظاهرت أم استسلمت مع زمرة المؤدبين شاربي الشوكولاتة الساخنة
هل تعتقدي أن بعدنا عن التظاهر وسكك الليمان حرية بالفعل؟
زنزانة الوطن عامرة ياكباتن ... مشيت في مظاهرة , مشيت في جنازة , ذهبت لصلاة الفجر أو ذهبت حتى الى جمصة
وعلى رأيك ... عايزينها تبقى خضرة
أصله لون شيك وع الموضة الصراحة
المدونة دمها خفيف ... فيه أجزاء من عالمك عاملة شخصية للبلوج عموما .. زي ولهك بملك الخواتم , قطك الأليف ... لذيذة صورة القط القناص دي على فكرة
normal
دكتور فهرنهايت
فعلا كلامك صحيح احنا فى جميع الحالاات مسجونين سواء سكتنا او صوتنا مهما عملنا هى حالة واحده..
شكرا جدا على تعليقك الجميل ده و انا فرحانة جدا ان مدونتى عجباك
و حاجه مضحكة انى اشوف البوست بتاعك الجديد بعد ما ضفتك فى احسن المدونات عندى:):)
مستر ليتل مو
مرحبا بك
اها هو عادى فعلا
خلااص الواحد اتعود
مع انى مستغربه بس من الصورة الى انت حاططها!!
لم افهم هل هو اعجاب ام سخرية
فى الحالتين نورت البلوج
سؤال غبي
من واحد عبيط
مين السبب
والسبب مين
ما تقولوش زي بعض
:
الفرق بينهما
نفس الفرق بين الحاصل
والمطلوب
الديك لما اتنتف ريشه
راح يحدف الفراخ
بالطوب
عبيط
زينا تمام
لو ريشة اتنتفت
يصبحوا العيال
أيتام
:
تحياتي
محمد عيد
المشكلة تقريبا فيا اني مش عارف اوصل وجهة نظري
انا متفق م ليوناردو مية في المية لكن انا كل اللي بقوله ان احنا نتطور مش هانبقى في نفس مرحلة التظاهر والمظاهرات من خمس سنين يعني احنا بقالنا خمس سنين مابنعملش حاجة غير نتكلم ونتظاهر-من ايام الانتفاضة اقصد- يافرحتي
صحيح
نسيت اقول ان انا مش مشفق على منورة
هي اللي جابته لنفسه
مأمون المغازى:
صراحة مفهمتش هو انا قولت ايه ادى لرد حضرتك الصراحة
ومشفتش السؤال العبيط الى بتقول عليه
ياريت تشير اليه علشان ابقى فاهمه بس!!
ياسر باشا:
اظن ان وجهه نظرك وصلت فعلا
على الاقل انا فهماها
بس اظن انه اقتناع جهبذ برائيه مخليها متوصلوش او مش فاهمها
عموما شكرا على عدم اشفاقك
انا الى جبته لنفسى فعلا
بس لما اشوفك
Post a Comment