تم اعتقال مدير مكتب قناة الجزيرة فى القاهره!
كل ده علشان تغطيته للانفجارات فى دهب فى سيناء
ايه الى الحكومة ماكنتش عاوزة الناس تعرفة
كل ده علشان تغطيته للانفجارات فى دهب فى سيناء
ايه الى الحكومة ماكنتش عاوزة الناس تعرفة
ايه الى بتخبية عنا الحكومة
على حد علمى الحادث لا يمت بصلة للنظام الحاكم او الحكومة بشىء..
ولا يمكن هو من تنظيمهم حاجه تغطى على الى اعتقالهم للمعتصمين سلميا امام نادى القضاة!!
مفيش حاجه بعيده عن الحكومة..
يعنى لو شغلنا نظرية المؤامرة بقى نقول ان بن لادن مش دمية للامريكن لا ده دمية لحكومتنا المقتدرة
و يا سلاام بقى لو روحنا بدماغنا كمان شوية و قولنا انهم السبب وراء كل (ثلاث انفجارات)فى سيناء
على حد علمى الحادث لا يمت بصلة للنظام الحاكم او الحكومة بشىء..
ولا يمكن هو من تنظيمهم حاجه تغطى على الى اعتقالهم للمعتصمين سلميا امام نادى القضاة!!
مفيش حاجه بعيده عن الحكومة..
يعنى لو شغلنا نظرية المؤامرة بقى نقول ان بن لادن مش دمية للامريكن لا ده دمية لحكومتنا المقتدرة
و يا سلاام بقى لو روحنا بدماغنا كمان شوية و قولنا انهم السبب وراء كل (ثلاث انفجارات)فى سيناء
بس كانت الحكومة دى بتفكر ازاى و هى بتعتقل مدير مكتب الجزيرة
يعنى مش عارفين ان الجزيرة دى بقت من اكثر وكالاات الانباء شعبية بين العالم العربى حاليا
يعنى ده مش اى مواطن عادى بيطلع عينه و يمكن يقتلوه و محدش هيسمع عنه حاجه
و زى ما بنقول راح فى خبر كان.
و كان هنا برىء تمام البرائه من الى حصله.
صراحة مش قادرة افهم غباوة حكومتنا..
و حلاوة شمسنا
ده الجو عندنا انفجارات طول السنة
بالمرة علشان تكمل الاغنية..
يعنى مش عارفين ان الجزيرة دى بقت من اكثر وكالاات الانباء شعبية بين العالم العربى حاليا
يعنى ده مش اى مواطن عادى بيطلع عينه و يمكن يقتلوه و محدش هيسمع عنه حاجه
و زى ما بنقول راح فى خبر كان.
و كان هنا برىء تمام البرائه من الى حصله.
صراحة مش قادرة افهم غباوة حكومتنا..
و حلاوة شمسنا
ده الجو عندنا انفجارات طول السنة
بالمرة علشان تكمل الاغنية..
وفى الجوووول يا حكومة
3 comments:
كان زمان السادات لما يحب يبهدل حد فى المحاكم والنيابة
كان يوصى علية يلفقولة تهمة التخابر مع بلغاريا
اشمعنى بالغاريا دى محدش عارف بس كانت تهمة عسل خالص
تخلى الواحد يلف حولين نفسة
النهاردة
حتى الظرف دة مشس موجود
النهاردة
ربنا يورينا فيهم يوم
تصدق يا ادهم ان تهمه التخابر مع بلغاريا دي كانت لعبه
واهو يقرصو ودن الزبون شويه واضرب المربوط يخاف السايب
انما البعدا دول بقي ولا بقي يهمهم سايب ولا مربوط ولا اي حااااااااااجه
طايحين زي الحمير في النجيل
وعلي راي الي قال ولاالحمير بتشبع ولا النجيل بتخلص
حسبي الله ونعم الوكيل
صحيح الاحوال اتغيرت (الى الاسواء)بس برضة ماتنسيش ان احنا بلد الريادة ولينا دايما الصدارة
وحقوق ابتكار الغباء ماركة مسجلة باسم جهاز الامن عندنا
اقول لحضرتك مثل بسيط حصل واكيد بيحصل فى مكان تانى من بلدنا المحروسة بالحمير
اسامة شاب عندة حوالى 30سنة عندة فرش بيبيع فية نظارات شمس مضروبة وامشاط واى حاجة خفيفة تمنها لا يتعدى اربعة او خمسة جنية
الفرش دة هو كل اللى حيلتة من الدنيا
عادى يعنى لما يبقى زهقان شوية من السوق التعبان والبلدية اللى مش سايبة حد فى حالة
ومش مهم بالنسبة لة انة يسيب دقنة تتطول شوية اهو كلة توفير امواس ومش مطلوب منة انة يكون على سنجة عشرة وهو بيبيع على الرصيف
يقوم البية الظابط الهمام بتاع امن الدولة يستدعية ويناقشة مناقشة فكرية فى ميولة السياسية واتجاهاتة الفكرية ويحب يعرف رأيةفى العولمة
كل دة علشان ساب دقنة طويلة شوية من غلبة وزهقة
طيب لما بلد دة تفكير ظباط الامن فية
لية ماتحصلش الف تفجير كل يوم
يعنى ولاد الكلب دول سايبين الحرامية اللى بتسرق البنوك واللى بتنهب فى البلد وخايفين من دقن اسامة
مش دة برضة منتهى العبط
انا فاكر زمان كان فية نكتة ديما بتتقال فى العالم كلة
وكانت عبارة عن سؤال وجواب
س
اية اسوأ من انك تتخطف فى طيارة بواسطة الفلسطينين
ج
ان ينقذك المصريين
------------بالنسبةلموضوع الحمير
والنجيل ارجو التوضيح
احسن انتى عارفةالحدود مش واضحة اليومين دول وفية خلط شديد
تحياتى من حقل النجيل المجاور لقصر الطاهرة
Post a Comment