life is so great if u worked hard 4 it 2 be so!

شهادة د\تقادم الخطيب عن اعتقال عمرو البحيرى و ما حدث يومها

2012-01-05T07:37:00.000+02:00

من تجميعة تويتاته فى الاكونت ده
:taqadumalkhatib

عمرو البحيري اسم أتذكره في كل لحظة شاب سجنه العسكر و لفقوا له التهم كنت شاهدا عليها و لم يتكلم عنه احد و لم يسمع به إلا القليل لأنه حقيقة ماحدث لعمرو البحيري كان البداية الحقيقة التي علمت من خلالها أن العسكر لن يتركوا السلطة وان كل ما يقال هو أكذوبة تروج وأنهم مستمرون يوم الجمعة الموافق 25فبراير بعد جمعة القصاص توجهت إلى مجلس الوزراء لأنني حينها عرفت أن هناك لواء جبش قام بالاعتداء على د.ليلي سويف ذهبت لكي أراها فوجدتها جالسة على الأرض وسألتها فحكت لي ماحدث فأخذتها وذهبنا سويا إلى مجلس الوزراء للانضمام إلى المعتصمين أمام مجلس الوزراء
انضمينا للشباب المعتصمين وهتفنا ضد حكومة شفيق وانضم لينا بعدها علاء وزوجته منال ومني سيف أخته وحوالي الساعة 2 دخلت الشرطة العسكرية و ضربونا بالعصي المكهربة اخذت د.ليلي في ايدي وجريت بيها بعدها على طول قبضوا على عدد من الشباب كان من بينهم شاب طالبنا امهم يفرجوا عنه حاولوا ضباط الجيش ابعادنا لكننا رفضنا إلا بعد الافراج عن الشباب تم الإفراج عن الشباب بس فيهم شاب كان وجهه كله دم من الضرب صورته صورة في هذه الأثناء و قبل الإفراج عن الشباب دخل عدد من الأشخاص يرتدون زي المدنيين لمحيط مجلس الوزراء فأوقفهم الجنود لكن أحد ضباط الجيش قال دول تبعنا د.ليلي عرفت واحد منهم أنه ضابط أمن دولة بدأنا نهتف ليه ياجيشنا ليه أمن الدولة بتعمل إيه، فجابوا لينا الشاب كله دم اتضح ان الشاب اسمه عمرو البحيري، ركبناه عربية علشان يروح يتعالج في منتصف شارع القصر العيني وقفوا السيارة ونزلوا الشباب منها ونوموهم نوموا الشباب وجوههم للأرض وأيديهم متكتفة على ظهرهم وبدأوا في ضربهم، كان الجنود بيشوطوا وجه عمرو وكأنه كورة شراب أسنان عمرو اتكسرت ووجهه كله أصبح دم، جريت بسرعة علشان أمنع الضرب عن عمرو فأمسك بي العسكر وتم أخذي إلى مجلس الوزراء وكذلك عمرو والشباب معاه أنا كنت بأمشي على رجلي بس عمرو كانوا بيسحبوه على الأرض والضرب شغال فيه وهو غرقان في دمه وبعد ماوصل عند باب المجلس سحلوه تاني وضربوه بالعصي ضربوه بالعصي المكهربة وكان بيصرخ من الألم والتعذيب وأنا مش قادر أعمل حاجة له...أخذوني بعدها داخل مجلس الوزراء في في الجراش حسيت اني فعلا في أبو غريب كان الشباب بيصرخوا من التعذيب والضرب وفاقدين الحركة واللي كان بيضربهم جنود صاعقة لأني لمحت شارة واحد منهم كان شعوري في الحالة دي مخيف وبدأت التساؤلات في دماغي هل من المعقول أن يضرب الجيش الشباب يهذه الوحشية هل من الممكن أن يعذبهم هكذا وجاءتني الإجابة سريعة جدا الضابط اللي كان بيضرب في الشباب طلع وقال أنا حريح شوية بس خليلي حقي في العيال اللي حتدخل دي وبعدين نظر إلى وقال انت تبع مين ومين اللي بيديكم الفلوس انتم خونة و عملاء ودمرتم البلد واقتصاد البلد مش مكفيكم اللي حصل انتو فاكرين انكم لما مشيتو امبارك ومش علشان مشيتوا مبارك خلاص ده احنا موجودين ومافيش حد حيقدر يمشينا واحنا حنوريكم اللي عمركم ماشفتوه.أنا ضحكت لما سمعت الكلام ده وقلت في نفسي الضابط ده أكيد مجنون بعدها طلب من الجنود أنهم يخلعونا ملابسنا خلعنا الأحذية والجواكت والبنطلونات والقمصان وفتشونا تفتيش ذاتي لبسنا هدومنا وبعدين العميد قال انت كانت معاك طبنجة والجنود مسكوها معاك في عربيتك فقلت له أنا ماعنديش عربية فقال هاتوا بطاقته أشوفها عرف من بطاقتي أني مدرس مساعد ف الجامعة فقال الجنود قالوا ان الطبنجة دي كانت مع الشاب اللي بيضرب هناك فقلت له ده كلام كذب الشاب ده مظلوم ولازم توقفوا الضرب والشاب مظلوم ومكانش معاه سلاح ولا أي حاجة رد وقال الكدب والصدق احنا بس اللي نقول عليه مش حد تاني قلت له لو سمحت لازم الضرب والتعذيب يتم وقفه حالا وفجأة جاء له اتصال فرد وقال أيوه يافندم احنا لقينا طبنجة مع الشاب اللي اسمه عمرو واتضح انها طبنجة صوت بعد ماخلص المكالمة جاءني وقال لي احنا حانفرج عنك بس لو اتكلمت على اللي شقته حتدخل مش حتطلع تاني

Mona Seif:تعليق لمنى سيف على اخر ما جاء فى الشهادة
شوفتوا في شهادة تقادم: لما عرفوا انه مدرس مساعد في الجامعة تراجعوا عن تلفيق تهمة حيازة سلاح له, و خلوها لعمرو البحيري

المسيرات هى الحل :))

2011-12-24T07:30:00.000+02:00

انا شايفة اننا نبطل نعتمد على حشد للتحرير و البقاء فيه و نركز على المسيرات الطويلة لانها المهمة دلوقتى لتوصيل صوتنا للناس فى الشارع من غير اى تشويش
اه طبعا المسيرات دى بتلاقى تعنت كبير من الشعب و بناخد شتايم ياما بس المهم نستمر فى التواجد قدامهم علشان نفهمهم اننا مش قليلين و متحمسين
ويوم ورا يوم اكيد هنكسب واحد او اتنين زيادة مكنوش عارفين اللى بيحصل بجد و شايفين شباب قدامهم من كل الاعمار و المستويات موحدين بهتاف واحد
و نفسى كمان يبقى فى مسيرات متتجهش للتحرير او وزارة الدفاع و لكن تبقى كل مسيرة فى منطقتها و تلف توصل صوتنا للناس فى بيوتهم
ايام يناير الاولانية كنا بنلف فى منطقتنا وبس ..وده اللى محتاجينه..علشان يتأكدو اننا شباب 25 اللى زى الورد اللى بيخونوهم فى كل لحظة..
واهم حاجة فى المسيرات دى الاعداد..لازم يبقى الحشد و الحماس متواجدين علشان المواطنين الشرفاء ما أكثرهم و المجلس بيزود هبلهم يوم ورا يوم!
ونفسى مسيرة الازهر تبقى اسبوعية مش علشان بحب اصلى فى الازهر و بس ولكن لاننا محتاجين نقوى شرفاء الازهر و يمكن فى ناس تعدل مواقفها بسببنا :)

الى معارضة المعارضة

2011-12-18T20:46:00.001+02:00

فاكرين ايام زمان لما كنتم بتقولو على السياسة ملناش فيها..متتكلموش علشان متتاخدوش..فاكرين لما كنتم بتشوفو مظاهرات متتعداش المية و تشوفو حد بيتسحل و بيموت و تقولو يا حرام انا متضايق بس هاعمل ايه و تكملو حياتكم عادى جدا و تنسوه..

ولما قامت الثورة مشاركتوش مع انكم بتكدبو و بتقولو على الثورة كلام غلط كتير سبحان الله برضة من غير ما تكونو شاركتم فيها بس عملتو محللين سياسيين و فاهمين الثورة لازم تمشى ازاى وأساليبها و المشاركين فيها مين مع ان مفيش حد فيكم فكر يتحمق ينزل فيها يجيب حق بلده مش بس كده و كنتم بتحاولو تمنعو الناس كمان من انها تنزل..
موقفكم مفهوم : ماهو انا مبقاش ضعيف و غيرى جبار فى الحق.. منظرى ايه قدام نفسى..كل ده بدل ما يعركم بيقويكم تتكلمو و تهينو فى اللى بيستشهد علشان انتو ضــــعـــاف ..اللى يخليكم مقومتوش للحق طول سنين حياتكم كلها متفتكروش منتظرينكم تقفو جنب الحق دلوقتى وهو واضح وضوح الشمس..
و راجعو كتب التاريخ كويس و اعرفو ان مفيش شعب فى الدنيا بيقوم بالثورة بنسبه 100% او حتى 50% لانه يا بيه لو كان فى 30% حتى من الشعب عنده قابلية انه يثور للحق مكنش هيبقى فيه لازمة للثورة من الاول كنا كلنا خدنا حقوقنا من زمان..ياللى بتقولو الثوار لا يعبرو عنا..ماهو ده شىء بديهى أساسا!!
هو مبـارك و من وراه المجلس لو مكنش لاقى شعب يستحمره و يستعبده كان قدرو يمسكو و يعملو فيكم ده كله طول السنين دى؟!
انا صعبـان عليا عقولكم و انتو نــاس مش صغيرة و متعلمين بس للاسف مبــارك نجح كويس فى تربية جيــل يبقى هو اول المدافعين عن القهر و اسالبيه
واللى بيقول و مقتنع ان المجلس حقير و مش راضى عن الظلم نستنى وهنجيب حقنا بس بعدين..اقوله هاتلى واحد من اللى ماتو من تلاتين سنة خد حقة لغاية دلوقتى..تفتكر مين هيجيبلك حقك و السجان و القاضى و الحاكم هم اللى ظالمينك و المفترض توجه ثورتك ضدهم لو موقفتش مع الحق وقت ما بينادى تفتكر مين هيسمعلك لما يكون كله نسيك و نسى حقك ده..
يا جماعة عيب والله دى ثورة مش قعدة عرب هناخد فيها و ندى و نمشى فيها كلام الكبير!
طــريق الحق واضح وربنا هيحاسب كل واحد فينا على اللى بيشوفه و يسئله عملت ايه لنصرة المظلوم..عملت ايه لنصرة اخيك..صدقونى خوفكم دلوقتى لا يقارن بخوفكم وانتم واقفين قدام ربنا..فكر كويس و احسبها مرة و اتنين و تلاتة لان الحسـاب وقتها هيبقى بالحق و عسير..

قال الأمام علي " لا تستوحش طريق الحق لقلـة سالكيـه"

معتز أنور سليمان ..خالد سعيد اخر

2011-10-28T04:04:00.005+02:00

بعد خبر وفاة عصام على عطا بعد ما قضو عليه فى سجن طرة والواحد لسه من الصدمة مافقش
نسمع عن قتل تانى لشاب فى نفس اليوم بأيد الشرطة..
الخبر شوفته فى اكونت الد\ مجدى شرقى و جمعته هنا :

معتز أنور سليمان نايف قتل برصاصة في الصدر فجر اليوم الخميس الموافق 27-10- 2011 بعد خلاف مع ملازم بسيارة النجدة على أولوية المرور

قام الملازم من سيارة النجدة بإطلاق 4 رصاصات باتجاه معتز و اخترقت صدر معتز الرصاصات و رصاصة أخرى أصابت زميل له بجانب أذنه ولم يصب بأذى

الملازم نقل الضحية إلى مستشفى زايد (كتر خيره) بعد أن فارق الحياة.. تجمهر أهالي القتيل وقاموا بإحراق سيارة النجدة بعد فرار الضباط منها

جثة معتز وصلت مستشفى زايد التخصصي جايباه عربية النجدة بطلق ناري في الظهر وخارج من الصدرالضابط كان عايزالدكتور اللي استقبل الحالة يركب أي

كانيولا ويكتب تقرير إن الحالة ماتت في المستشفى،الدكتور رفض لأن معتز كان مات الملازم هرب من المستشفى و3 آخرين لقسم زايد وطلب حماية القسم

الموقف أدى الى تمرد أفراد الداخلية المكلفين بحماية المنشآت العامة في زايد وإمتناعهم عن الذهاب للعمل خوفا من عمليات إنتقامية

الطبيب بعد أن لقي تجمهر رهيب من الأهالي و عايزين يحرقوا العربية جوه المستشفى ...قال لهم بس كده غلط عشان المرضى .اقتنعوا وجروها وحرقوها بره

أمين الشرطة الموجود في نقطة المستشفى هرب ولبس قميص برتقالي وكاب..وأصبحت المستشفى بدون تأمين.الكل تقريبا و برواية واحدة،خلاف على أولوية مرور

أبو القتيل شيخ عرب في أكتوبر-معرفش يعني إيه شيخ عرب- وبيتوعد بالانتقام بشدة من الداخلية.. القتيل 24 سنة ،وحيد على 7 بنات كما قيل

جثة معتز الآن في مشرحة زينهم بعد أن تم نقلها صباحا من مستشفى زايد عُقدت جلسة بين والد القتيل ومأمور قسم زايد وبعض المسؤولين من الداخلية

لاحتواء الازمة،في نفس الوقت الذي قامت فيه النيابة بالتحقيق مع الضابط

....

الله يرحمه و يرحمنا معــاه
مش عارفة هنجيب حقه هو و عصــام ازاى و احنا لسه مجبناش حق خالد سعيـد..
ونزول مليونيات تانى بقى عامل زى الضحك على الدقون
محدش بيفرق معاه نزولنا و الشعب بيكرهنا كل يوم اكتر من اللى قبله

ارهاصة فكرية

2011-10-20T12:30:00.005+02:00

مشكلة الانسان انه يعتقد ان صلته بربه تعني ان يؤمن به ايمانا قلبيا ولا يأتي افعالا لتؤكد هذا الايمان وتلك المحبه مرارا وتكراراً..المحبة التى تنقلب الى افعال شتى عندما يكون الحب لبشرى و يخطىء عندما يعتقد ان الاسلام ليس كلمة على مسمى و ان المعنى يختص بالتسليم لوجه الله و الايمان به و برسوله فقط ..و لا يشمل ايضا ان يكون مسلما بما يأتيه ربه من اختبارات جديرة بتحطيم تلك الثقة بالله, الا لمن يؤمن ان الايمان بالله لا يعنى ان تحصل على معجزات فورية لكل ما تعانيه..ولكنه اختبـار يكاد يكون لدى البعض قاسيا لكى تزداد اسلاما بربك..تيقن ان ما تلاقيه سوف تجد ما يقابله من جوائز و اكثر بكثير عند لقاء ربك..و ياله من امتحان ان تصبر على مشاكل الدنيا التى لا حصر لها و تنظر الى ربك و انت تدعو ان يثيبك على ما صابك ولا تجد مفتاحا سحريا ينزل لك من السماء فى الحال..نعم فالاسلام ليست مجرد كلمة :))

شهادة المشير طنطاوى فى محاكمة مبــارك

2011-09-25T16:45:00.017+02:00

شهادة المشير كما يرويها الصحفى محمد الجارحى على حسابه على التويتر :

س١ : حصل اجتماع يوم 22 يناير، هل ورد إلي رئيس الجمهورية السابق ما دار في هذا الاجتماع وما أسفر عنه وما كان مردوده ؟

ج1 : الاجتماع كان برئاسة رئيس الوزراء واعتقد أننه بلغ

س2 : بداية من أحداث 25 يناير وحتي 11 فبراير هل تم اجتماع بينك وبين الرئيس السابق حسني مبارك ؟

ج2 : ليست اجتماعات مباشرة ولكن يوم 28 يناير لما أخذنا الأمر من السيد رئيس الجمهورية كان هناك اتصالات بيني وبين السيد الرئيس ؟

س3: ما الذي أبداه رئيس الجمهورية في هذه اللقاءءات ؟

ج3: اللقاءات بيننا كانت تتم لمعرفة موقف القوات المسلحة خاصة يوم 28 وعندما كلفت القوات المسلحة للنزول للبلد ومساعدة الشرطة لتنفيذ مهامها يتبع

ج٣-2: كان هناك تخطيط مسبق للقوات المسلحة وهذا التخطيط يهدف لنزول القوات المسلحة مع الشرطة وهذه الخطة تتدرب عليها القوات المسلحة يتبع

ج٣-3: القوات المسلحة بتنزل لما الشرطة بتكون محتاجة المساعدة وعدم قدرتها علي تنفيذ مهامها وأعطي الرئيس الأمر لقائد القوات المسلحة - يتبع

ج٣-4 : أعطي الرئيس الأمر لقائد القوات المسلحة اللي هي نزول القوات المسلحة لتأمين المنشآت الحيوية وهذا ما حدث

س4 : هل وجه رئيس الجمهورية السابق المتهم محمد حسني مبارك أوامر إلي وزير الداخلية حبيب العادلي باستعمال قوات الشرطة القوة ضد المتظاهرين؟ يتبع

س٤-2: استعمال قوات الشرطة القوة ضد المتزاهرين بما فيها استخدام الاسلحة الخرطوش والنارية من 25 يناير حتي 28 يناير ؟

ج4 : ليس لدي معلومات عن هذا واعتقد ان هذا لم يحدث

س5 : هل ترك رئيس الجمهورية السابق للمتهمين المذكورين من أساليب لمواجهة الموقف ؟
ج5 : ليس لدي معلومات

س6: هل ورد أو وصل إلي علم سيادتك معلومات أو تقارير عن كيفية معاملة رجال الشرطة ؟

ج6 : هذا ما يخص الشرطة وتدريبها ولكني أعلم ان فض المظاهرات بدون استخدام النيران

س7 : هل رصدت الجهات المعنية بالقوات المسلحة وجود قناصة استعانت بها قوات الشرطة في الأحداث التي جرت؟
ج7 : ليس لدي معلومات

س8 : تبين من التحقيقات إصابة ووفاة العديد من المتظاهرين بطلقات خرطوش أحدثت إصابات ووفيات..هل وصل ذلك الأمر لعلم سيادتك وبم تفسر ؟

ج8: إنا معنديش معلومات بكده.. الاحتمالات كتير لكن مفيش معلومة عندي

س9 : هل تعد قوات الشرطة بمفردها هي المسئولة دون غيرها عن إحداث إصابات ووفيات بعض المتظاهرين ؟
ج9 : إنا معرفش ايه اللي حصل

س10 : هل تستطيع سيادتك تحديد هل كانت هناك عناصر أخري تدخلت ؟
ج10 : هيا معلومات غير مؤكدة بس اعتقد ان هناك عناصر تدخلت

س11 : وما هي تلك العناصر ؟
ج11 : ممكن تكون عناصر خارجة عن القانون

س12 : هل ورد لمعلومات سيادتك ان هناك عناصر اجنبية قد تدخلت ؟
ج12 : ليس لدي معلومات مؤكدة ولكن ده احتمال موجود

س13 : وعلي وجه العموم هل يتدخل الرئيس وفقا لسلطته في ان يحافظ علي أمن وسلامة الوطن في إصدار أوامر أو تكليفات في كيفية التعامل ؟

ج13 : رئيس الجمهورية ممكن يكون أصدر أوامر - طبعا من حقه ولكن كل شئ له تقييده المسبق وكل واحد عارف مهامه

س14 : ولمن يصدر رئيس الجمهورية علي وجه العموم هذه الأوامر ؟

ج 14 : التكليفات معروف مين ينفذها ولكن من الممكن ان رئيس الجمهورية يعطي تكليفات مفيش شك

س15 : وهل يجب قطعا علي من تلقي أمر تنفيذه مهما كانت العواقب ؟

ج15 : طبعا يتم النقاش والمنفذ يتناقش مع رئيس الجمهورية وإذا كانت الأوامر مصيرية لازم يناقشه

س16: هل يعد رئيس الجمهورية السابق المتهم محمد حسني مبارك مسئول مسئولية مباشرة أو منفردة مع من نفذ أمر التعامل مع ألمتظاهرين الصادر منه شخصيا

ج16 : إذا كان أصدر هذا الأمر وهو التعامل باستخدام النيران أنا اعتقد ان المسئولية تكون مشتركة وأنا معرفش ان كان أعطي هذا الأمر أم لا

س17: وهل تعلم ان رئيس الجمهورية السابق كان علي علم من مصادره بقتل المتظاهرين ؟
ج17: يسأل في ذلك مساعديه الذين ابلغوه هل هو علي علم أم لا

س18: وهل تعلم سيادتكم ان رئيس الجمهورية السابق قد تدخل بأي صورة كانت لوقف نزيف المصابين ؟

ج18 : اعتقد انه تدخل وأعطي قرار بالتحقيق فيما حدث وعملية القتل وطلب تقرير وهذه معلومات

س19: هل تستطيع علي سبيل القطع والجزم واليقين تحديد مدي مسئولية رئيس الجمهورية السابق عن التداعيات التي أدت إلي إصابة وقتل المتظاهرين ؟

ج19 : هذه مسئولية جهات التحقيق

س20: هل يحق وفقا لخبرة سيادتكم ان يتخذ وزير الداخلية وعلي وجه العموم ما يراه هو منفردا من اجراءات ووسائل وخطط لمواجهة التظاهرات دون العرض علي رئيس الجمهورية؟

ج20: اتخاذ الاجراءات تكون مخططة ومعروف لدي الكل في وزارة الداخلية ولكن في جميع الحالات يعطيه خبر بما يخص المظاهرات ولكن التظاهر وفضه - يتبع

ج٢٠-2 : ولكن التظاهر وفضه هي خطة وتدريب موجود في وزارة الداخلية

س21 : وهل اتخذ حبيب العادلي قرار مواجهة التظاهر بما نجم عنه من إصابات ووفيات بمفرده بمساعدة المتهمين الاخرين في الدعوى المنظورة - يتبع

س٢١-2 : وذلك من منظور ما وصل لعلم سيادتك ؟
ج 21 : معنديش علم بذلك

س22 : علي فرض إذا ما وصلك تداعيات التظاهرات يوم 28 يناير إلي استخدام قوات الشرطة آليات مثل اطلاق مقذوفات نارية أو استخدام السيارت لدهس -يتبع

س22-2 : سيارات لدهس المتظاهرين..هل كان أمر استعمالها يصدر من حبيب العادلى يصدر من حبيب العادلى ومساعديه بمفردهم ؟

ج 22 : ما أقدرش أحدد اللي حصل أيه ولكن ممكن هو اللى اتخذها وأنا ما أعرفش واللى اتخذها مسئول عنها

س23: هل يصدق القول تحديداً وبما لا يدع مجالاً للشك أو الريبة أن رئيس الجمهورية السابق لا يعلم شيئاً أو معلومات أيا كانت عن تعامل الشرطة يتبع

س23-2 : بمختلف قواتها أو أنه لم يوجه إلى الأول سمة أوامر أو تعليمات بشأن التعامل والغرض أنه هو الموكل إليه شئون مصر والحفاظ على أمنها ؟

ج23 : أنا ما أعرفش اللى حصل أيه لكن أعتقد إن وزير الداخلية بيبلغ وممكن ما يكونش مش عارف بس أنا ما أعرفش

س24 : هل هناك اصابات أو وفيات لضباط الجيش ؟
ج 24 : نعم هناك شهداء

س25 : هل تعاون وزير الداخلية مع القوات المسلحة لتأمين المظاهرات ؟
ج 25 : لأ

س26 : هل أبلغت بفقد ذخائر خاصة بالقوات المسلحة؟
ج26: مفيش حاجة ضاعت لكن هناك بعض الخسائر في المعدات واتصلحت ومفيش مشكلة

س27: هل أبلغت بدخول عناصر من حماس أو حزب الله عبر الأنفاق أو غيرها لإحداث إضرابات ؟

ج27 : هذا الموضوع لم يحدث أثناء المظاهرات واحنا بنقاوم الموضوع ده واللي بنكتشفه بندمره وإذا كان فيه حد محول لمحكمة فهذا ليس أثناء المظاهرات

س28: هل تم القبض على عناصر أجنبية في ميدان التحرير وتم إحالتهم للنيابة العسكرية
؟ ج28: لا ..لم يتم القاء القبض على أى أحد

س29: فى الاجتماع الذي تم يوم 20 يناير هل تم اتخاذ قرار بقطع الاتصالات؟
ج29 : لم يحدث

س30: بعض اللواءات قالوا طلب منا فض المظاهرات بالقوة..هل طلب من القوات المسلحة التدخل لذلك ؟

ج30: أنا قلت فى كلية الشرطة في تخريج الدفعة إن أنا بأقول للتاريخ إن أي أحد من القوات المسلحة لن يستخدم النيران ضد الشعب

كده الشهادة خلصت..

تونس تنادى..

2011-04-26T01:43:00.005+02:00

الظاهر ان الواحد افتكر ان تونس نجحت فى ثورتها و متبقاش غير القليل و كنا دايما بنتابع
تقدمها فى الثورة بعد هروب بن على و بنقارن و بنتحسر على الخطوات الى بياخدوها قبلينا
وبندعو الله اننا نحصلهم و لو لمرة نسبقهم فى حاجة من نفسنا :)
بس على ما يبدو ان تونس تعانى من الثورة المضادة اكتر مما كنا نتخيل و ان الاخبار عنها فى منتهى الضيق
وليست بالوردية الى كنا بنأملها..
شوفت امبارح تدوينة لتونسى شقيق ينادى و يعاتب المصريين على قلة اهتمامهم بالثورة التونسية بعد ما قمنا بثورتنا
وطبعا ليه حق فى ده ..لان رفع الاعلام فى الميدان ليس بالكافى اكيد كمؤازرة للشعب التونسى الجميل:)
يـاريت تقروا التدوينة بتاعته و تعرفوا معانتهم من الثورة المضادة و تنشروها فى كل مكان
وتتواصلوا معاه للى عنده اى نصايح يحب يوجهاله..

http://tounsiwaftakhir.blogspot.com/2011/04/blog-post_24.html

وادى لينك لفديوهات عن المظاهرات التونسية اللى للأسف مبتلاقاش الدعم الاعلامى الكافى وسط الاحداث الكثيرة المتلاحقة للثوارت العربية
فيـاريت برضه ننشره و نشوف الفديوهات دى :)
http://www.youtube.com/view_play_list?p=BE94DA8D17983A34

ودى تدوينته التانية بيشكر فيها من تفاعلوا معاه من المصريين..
وفيها اخبار اخرى عن الثورة التونسية..

http://tounsiwaftakhir.blogspot.com/2011/04/blog-post_25.html

مرة تانية يـاريت النشر فى كل حتة
والى يشوف ثورة غيره المضادة تهون عليه ثورته المضادة برضه :)))

الفيسبوك اتحجب فى مصر ادخل هنا لفكه..the facebook is blocked in egypt

2011-01-26T16:00:00.000+02:00

الفيسبوك اتقفل عندك مش عارف تعمل ايه؟؟؟؟

كيفية فك حجب الفيسبوك فى مصر.. الطرق كثيـرة جدا و لكنى احب ان اقول اسهل و اسرع طريقة فيهم
و هى الحصول على برنامج يسمى tor bundle حجمه صغير جدا 15 ميجا بايت..يمكنكم من الدخول عبر الفايرفوكس firefox browser و من هناك لا تحتاج الى مواقع لفك البروكسى او اى شىء..فقط تصفح كما تتصفح فى العادى..
هاحط هنا اللينك و يــاريت تنشروا البرنامج ده فى اى حته..علشان الناس كانت معتمدة على الفيسبوك او التويتر فى معرفة الاخبار
ولازم نقف ضد الحجب ده..

ده لينك البرنامج:
http://www.torproject.org/download/download.html.en#warning

اختاروا الى يناسبك جهازكم و السيستم بتاعكم..
وبعد التنزيل هتفتحوا البرنامج الى نزلتوه مش الفايرفوكس على طول..والبرنامج هو الى هيفتح الفايرفوكس بعد ما يظبط السيرفر بتاعه علشان تدخلوا على اى سايت
واى حد لديه اى مشاكل او واجهته مشكلة ومش قادر يفتحه يقولى...

ارجو النشر ..

البرادعى هو الحل

2010-02-24T13:35:00.007+02:00

البرادعى هو الحل!

اتخيل ان تصل الدرجة بالمتحمسين لترشيح البرادعى ان تكتب هذه الجملة على الحوائط والجدران بدلا من الاسلام هو الحل تلك الجملة الشهيرة للاخوان المسلمين(بغض النظر عن انى لا اعرف هم اخوة لمن فعلا ولكن هذا ليس تساؤلى الان)

اشعر ان الرأى العام للشباب انقسم ما بين لا مبالى لما يحدث و ما بين مستسلم(وهناك فرق بشع ما بين عدم المبالاه و الاستسلام..فالمستسلم هذا لديه مبالاه و لكنه لم يجد من يحركه ليصبح مؤيد او معارض بعد)وما بين معارض(والمعارضة ها هنا للمفارقة البحتة فى صالح الحزب الوطنى) ومؤيد بشدة و بحرقة يتصور معها ان البرادعى هو المنقذ الحتمى لجميع المشاكل التى يعانى منها سواء كانت رغيف العيش او انبوبة الغاز او حتى وقوفه المطول فى اشارة المرور..هذا التأييد الذى يجعلنى لا استعجب ان رأيته يقيم المظاهرات و يحرق الاعلام(وان كنت لا اعرف اى اعلام سيحرق ولكنه حتميا سيحرق علماً ما فهكذا تسير المظاهرات الجدية بحق)هاتفا فداك ابى و ابن خالتى يا برادعى(ولا تسئلوا لماذا ابن خالته بالذات الذى سيضحى به ..يبدو ان فى الامر ثأر ما)

هذا التأييد و الحماس لشخص هو جدير بالاحترام لن انكر له هذا ولكنه يبدو خارج عن الحد..اشعر انها بالونة ستنفجر فى وجه هؤلاء المتحمسين بشكل ما..ويرعبنى هذا حقا..

لا مانع فى البحث عن التجديد بل انى اتتوق له ولا مانع فى ان ينتظر الناس المنقذ مما يعيشون فيه..لقد طفح هذا الشعب الكيل..نعم..لم يعد يجدى معه تهدئه او حتى نتيجة مبارة فهم يعرفون جيدا انها محاولة لاشغالهم عن التفكير فى احوالهم ولكنهم يستمتعون بها ويفرحون ويعودون الى الجدل مستهزئين لسان حالهم يقول:محاولة لطيفة رجاء اعد المحاولة فى وقت لاحق!

هذا الشعب الذى يتهمه البعض بأنه غبى او فقد انتمائه او زاد انتمائه فى بعض المواقف.

اراه اذكى مما يتخيله الناس..فقط هو يعرف متى يحاول و متى يجلس ليتفرج كما المشاهدون..فهو غاضب بحق و يلعنه الاخرون لسكوته و عدم انتفاضته..ولكنى اراه ينتظر اللحظة المناسبة لانتفاضته..

وما اراه فى اعين الشباب الان المؤيد للبرادعى يؤكد تلك الانتفاضة التى قد لا تحوذ على اهتمام جميع فئات الشعب و لكنها تجذبهم واحد تلو الاخر..

ويخيفنى ما ستنتهى اليه تلك الانتفاضة..ان لم يجلس هؤلاء الشباب ليسئلوا انفسهم بكل موضوعية لماذا البرادعى هو الحل؟؟

وما اختلافه هو عن غيره ؟هل اختلافه هذا سيفيد كرسى الحكم فى مصر؟

هل سيفيد العامل البسيط الذى يعيش ايامه لا يعلم من اين سيأتى بالمال اليوم لا غدا؟

انا لست ضد البرادعى ولا ارى ما يعيبه شخصيا..ولكنه مثل ايمن نور بالنسبة لى..

انتفض الناس معه و حسبوه المنقذ ومن منا يسمع عنه الان؟؟

هل حقا التغيير الذى نريده سيأتى فى تغيير من يجلس على كرسى الحكم؟ام انه يحتاج الى اكثر من هذا ولن يأتى الا بتغيير مفاهيم الشعب بأكلمه؟

اتسائل وانا انتظر اللحظة التى سأرى فيها الاعلام تحرق و الهتاف يتعالى و من حولى اقرأ البرادعى هو الحل

خفقان قلب

2010-02-10T06:08:00.001+02:00

تجدنى كلماتى فى ليلة خفى فيها القمر ضوءه عنى..

ابحث عنك فقط لاجدك بعيدا..لا لست منى..

لا اشكو لحظات البعاد فتعودتها كثيرا منك

ولكنى اشكو قلبى الذى لم يتعود بعد عدم الخفقان لاجلك ..مشتاقلك..

ايمكن نسيان الحنين فى قلب التصق بك كالجنين

اكره نفسى لضعفى فقط لاكرهك اكثر لجعلى هكذا..

واحبك اكثر لانك جعلتنى احب..نعم انا احبك

فحب الحياة تملكنى منذ تعلقت بروحك

اكرهك فقط لاجد نفسى احبك اكثر

فلتكف عن محو دفء الشمس عنى

فانا لا يعينى دفء الشمس ان لم يكن منك

لا تجعلنى ابحث عن شيئا يغطى قلبى الجريح

تواجد من اجلى..وعدنى انك ستكون منى..

لانى اعدك انه لن توجد من تحبك اكثر منى

حارب من اجلى لتجدنى اعطى ولا اطلب

حارب و لا تتركنى اتسائل الى متى ستطول ظلمة ايامى

facebook remarks

2009-12-29T21:20:00.003+02:00

i hate who likes his own photo\status\link...we know you like it otherwise you wudn't have put it in the first place..and those who take that stupid arabic personality tests and getting worked up on the results like you're the bravest most handsome man\women alive as if freud himself woke up from his grave and gave them the result !!!grow the hell up people!

you narcissistic bastards

.....
and i don't get those girls who put in their profile pics a very beautiful model or a super star like the boys gonna go wow that's the girl of my dreams she must be the twin sister of that pic...otherwise she wouldn't have put it their
!!
a piece of advice boys are't that naive and they don't think you are like julia freaken roberts coz you do have a profile pic of her!!
and for your sake also..you putting it doesn't mean you have the same soul as her
not even close
coz i don't think that julia would put a pic of sandra bullock
although i wounder how would that be like
.....
and what about those boys that add everything that moves to their friends..it's not making you popular you know,even if you added the whole american continents ..you don't increase your love
meter just by clicking the add button..and so you know the other boys don't go and make you head of the tribe just becoz you
won the boy who can add more
!!
so for the love of god stop being a profile hunter..do us a favor

....

علشان تعرفوهم روحوا شجعوهم!

2009-10-02T13:51:00.003+02:00

دى الحملة الجديدة لكوكا كولا لتعريف الشعب المصرى بمنتخب الشباب
الى بيلعب فى البطولة الى بتستضيفها مصر (كاس العالم للشباب)
طبعا اكيد كلنا عارفين ان فى بطولة مصر بتستضيفها حاليا..جايز مش كلنا عارفين ايه هى البطولة
واكيد مش كلنا عارفين مين هم الشباب الى بيلعبوا فيها ولا حتى الفرق
دى اكيد مش غلطتنا لانه مفيش دورى كانوا بيلعبوا فيه كلهم نشوفهم منه..ولو كان فيه اصلا فمبيجيش فى التليفزيون فالى هيتابعه ده من جهوده الخاصه احييه عليها:D
انما المهم فى الموضوع انه فى ناس بتلعب باسم مصر بغض النظر عن اننا واثقين فى قدرتهم على الوصول للنهائى اكيد
ولكنهم اختيروا بعد تلات سنين تحضير للبطولة دى مع مدرب اجنبى اسمه سكوب ومعاه جهاز فنى عريض طويل اوله هانى رمزى
فاحنا بنشجعهم لاننا اتعودنا اننا نشجع منتخب مصر بكل مراحله
انا فاكره من سنين كتير فاتوا نفس البطولة دى كانت بتتلعب فى كندا على ما اظن
ووقتها منتخبنا للشباب برضه وقفنا معاه و شجعناه مع اننا مكناش نعرف اسمايهم بس عرفناها من مواهبهم
ومن لعبهم و حفظنا اسمهم كلهم ..من غير اى ااعلانات على الاقل انا متفرجتش على اعلان ليهم
وقتها كان فى شيتوس و محمد صبحى و جمال حمزه و ناس تانيه كتير فى الى لسه بنسمع اسمه و فى الى تاه فى الزحمه
دلوقتى البطوله دى ميزتها انها مقامة على ارضنا ..والتشجيع هياخد فرصته اكتر معنويه للشباب دولة
وشركة كوكا كولا عملت مجموعه من الاعلانات علشان تعرفنا بالشباب الى بيلعبوا
طبعا دى فكره جميله جدا..ولكن تنفيذها هو الى عليه الجدل

الاعلانات عباره عن لاعب من المنتخب او المدير الفنى فى موقف من المواقف ثم يتم الاعلان عن اسمه و المركز الى بيلعب فيه
الموقف المفترض انه كوميدى و انا عن نفسى بضحك جدا منه واى حد بيشوفه قدامى بيبقى ليه نفس رد الفعل
بس انا لقيت ان فى ناس استائت من الاعلانات دى
وقالت انها بتسوء صورة مصر او بتفترض ان معامله اللاعيبه تبقى غير معاملة الشعب
انا عايزه اقول هتسوء صورة مصر على اساس ان الاعلان ده هو الاعلان الرسمى او الوحيد الى فى مصر مثلا؟؟؟
ده اعلان المفترض معمول علشان يضحك فى موقف طريف قصير وعلشان يثبت فى دماغنا و معاه اسامى اللاعيبه
لانه مظنش ان الشعب المصرى دايما قليل الذوق كده واكيد فى نماذج وقله الذوق دى بتبقى على الكل مش هتفرق بقى لاعيب من سياسى
والاعلان بيفترضش على حد انه يعامل الاللاعيبه بترحيب زياده ولا نديهم حاجات ببلاش مثلا
ولكن التعامل العادى الى الواحد بيعامل بيه انسان زيه وفى نفس الوقت بيحبه
ومحدش يقدر ينكر ان لاعيب كرة مشهور او حتى فنان مشهور بيتلاقى بترحاب من الشعب
بس ده مش معناه ان بقيه الشعب يتعاملوا بطريقه مهينه!!!
انا حسيت ان الهجوم على الاعلانات تكبير للموضوع واعطاءه حجم غير حجمه
المواقف كوميديه بحته ومش بتفترض حدوثها فى العادى
لان اساسا لو اى واحد فى مكانهم هيتصرف بطريقه تانيه غير الى اللاعيبه اتصرفوا بيها وكل واحد هيقول انا كان زمانى عملت كذا و خدت حقى!
فخلاصه الكلام ..الاعلانات ادت وظيفتها الى حد كبير
عرفت الناس ان فى منتخب بيلعب و دى اسمائهم ..والى عايز يروح يشجع بقى يروح

ودى لينكات لبعض الاعلانات دى:
http://www.youtube.com/watch?v=Ej77GTsNdo8&translated=1
http://www.youtube.com/watch?v=E0O2AZThzc8&translated=1

منك لله يا عمرو يا اديب

2009-06-22T01:47:00.004+03:00

منتخب مصر دخل بطوله كاس القارات و كل الناس بتستهزىء بيه
وكل تعليقاتهم قبل الماتشات هزيمه بال 8 و ال6 فى كل الماتشات حتى ماتش امريكا
وحققت مصر المفاجاه بهزيمة فى اخر دقيقه من ضربه جزاء صحيحه بقرار خاطىء من الحكم من البرازيل
و فاجئت مصر العالم كله و قبليه المصرين الى كانوا بيشتموه
و المصرين ابتدوا يتفائلوا و قالوا احنا ممكن نؤدى عرض قوى نفس المستوى مع البرازيل
و قالوا ايطاليا هتعمل فينا و فينا بسبب الدفاع المتهتك بتاع مباره البرازيل
و تاتى مباره ايطاليا و يفوووووز المنتخب المصرى و حطوا جنب الفوز مليون الف علامه تعجب
لانه محدش كان يتخيل ولو لمليون سنة الى حصل ده
و نبقى اول منتخب افريقى و عربى فى تاريخ ايطاليا يهزمها فى بطوله للفيفا
و طلعت مصر و احتفلت و معاها العالم العربى كله و كلهم مش مصدقين

و نسيت ااقول كل الانجازات دى حصلت من غير فراوده مصر الاساسيين و بالناس الى ادت اسوء اداء فى الجزاير
و الدورى المصرى

كل الكلام ده جميل و محدش يقدر يعترض عليه

و يامل المصريين فى التاهل لنصف النهائى بسبب العروض القوية
و تاتى الهزيمة بالتلاته امام منتخب امريكا ليتأهل بدلا منا و من ايطاليا بطلة العالم
و هنا بقى يحصل الى محصلش ..
مصر كلها استائت و ليها الحق علشان اللاعيبه ملعبش حلو
معذره ولكن:
انتوا ناسين انه مفيش فراوده و زيدان الى حيلتنا اتصاب
المنتخب كان بيتنقل كل مباره لبلده و لعب 4 مباريات فى اقل من 10 ايااااااااام
ده لو حصل فى اى وقت تانى المنتخب كان زمانه اعتزل من زمان
و المنتخب ادى اقوى عروضه و لعب مبارايات العمر و اللاعيبه كلها اتصابت فى مباره ايطاليا او مباره امريكا
و كانت تغييرات حسن شحاته اضطراريه بسبب الاصابات!

مش هاقول اكتر من مين كان يتخيل ان مصر تفوز على ايطاليا بطله العالم
و تحرج البرازيل!

خرجنا من البطولة الى كده كده كنا هنخرج من النصف نهائى على ايد اسبانيا
مهما كان المعجزات لا تستمر

الكلام الى لازم يتقال ان كلنا نقف مع المنتخب لانهم ابطال عملوا الى ميتعملش و فرحونا فى ماتشين محدش كان يتخيلهم
و ان الناس فى كل المنتديات الاجنبيه للكورة تقولك عايزين مصر فى كاس العالم و مستنينهم
ده الى حققه منتخب مصر
الخساره شىء طبيعى فى الكورة الى مصر نسيته
لان ايطاليا خسرت مبارتان و ده الناس مش راضيه تبصله

نيجى لاسوء حاجه حصلت النهارده اسوء من الهزيمه
ان الشخص الى اسمه عمرو اديب يعلق على الهزيمة ويقول ان سببها هى البنات الى لاعبى المنتخب طلعوهم ماهم فى الاوض
وعلشان كده المنتخب مأداش و ان المنتخب اتسرق منهم

اولا :
المنتخب اتسرق فى يوم ايطاليا
اى انه لو فى بنات فده قبل ماتش ايطاليا
وكان الاجدر ان اللاعيبه متأديش فى مباره ايطاليا الى فازت فيها
مش هيأثر على ماتش امريكا

طيب و ايطاليا اتهزمت ماتشين هى كمان كانت معاهم ستات كل ماتش!!!!

وثانيا:
جنوب افريقيا خايفه على سمعتها و علشان كده طلعت الكلام بتاع البنات ده علشان لو فى اى حوار على الامن
فرصها فى استضافة كاس العالم هتقل

وثالثا:
احنا مسلمين و عاقلين و عندنا فى ديننا و اخلاقنا بيقولك الكلام الى يمس العرض و الشرف
الى ينقله و يردده شايل للذنب
يا جماعة كله الا الكلام فى الشرف
دوله احسن جيل جه و عدى على مصر فنيا و دينيا
ومبيعديش علينا مباره غير و نسمع المسابقات الدينية الى ما بينهم
و السباق منهم على تخليص القران او اداه الصلاه فى اوقاتها

اذا كان العالم كله بيردد الكلام الى مالوش اى صحه يبقى احنا المصريين منسمحش ان الكلام ده يتنقل ما بينا ابدا
حسبى الله و نعم الوكيل فى الى اثار الكلام ده و خلى ناس تمشى وراه زى الهبل من غير ما يعرفوا عاقبه ترديد حاجه زى كده

يا جماعة مصر عملت الى ميتعملش اولا و خلت العالم كله يسمع عنها و يتمنى يشوفوها
و مش هيفرق معاهم خساره لان العالم عارفين يعنى ان الكورة فيها مكسب و خساره
المهم مع المنتخب دلوقتى هو التصفيات لكاس العالم
لازم نقف ورا المنتخب
و نقابلهم و نحتفل بيهم كمان لانهم شرفونا
دوله بيسجدوا بعد كل هدف يا جماعه
حسبى الله و نعم الوكيل

( يا أيها الذين آمنوا إن جاءكم فاسق بنبإ فتبينوا أن تصيبوا قوماً بجهالة فتصبحوا على ما فعلتم نادمين) .

ارجوكم ارجوكم محدش يمشى ورا الكلام ده

a story of a kind!

2009-06-10T11:17:00.003+03:00

هو انا ماكنتش ناويه على انى اكتب حاجه بس هى جت تلقائيه و انا بهزر مع واحد
وكتبتله دى كقصة قبل النوم!!

There was a little boy somewhere in the world
when he wakes up every day he wonders
all my dreams are sad and tears are always on my cheeks
did I do something bad? Why do my eyes always leaks?
Why does it happen to me? when I have everything I seek?

mama tell me please ,why can't I be happy in my dreams
she tells him he is cursed coz everything he has,
and he shouldn’t be sad like this:

it's just a dream my little child
it will go away in a bit
just keep your smile little child
and come here with me and sit

and not so far away from here was another girl with a similar tear
she had no toys and no friends to play with
she seems so sad almost all day
there’s nothing to brag about in her life
happiness is only in her dreams which she longs everyday

mama tell me please, why can’t I be happy like in my dreams.
She tells her good things always hide away somewhere
we just don’t try so hard to find it and hope not to be astray.

it's just a dream my little child
it will go away in a bit
just keep your smile little child
and come here with me and sit

ممدوح عباس اه و مرتضى منصور لا

2009-05-30T17:46:00.004+03:00

انتهت امبارح انتخابات الزمالك ولاول مرة فى تاريخ الزمالك تبقى الانتخابات بالمنظر ده

من حيث المتابعة الاعلامية قبل و اثناء الانتخابات(تلات قنوات من الصبح لايف)و حضور اعضاء الجمعية العمومية للزمالك بالمنظر ده

محصلتش فى تاريخ اى نادى قبل كده و اكيد الكل عارف ليه المرة دى الناس كلها راحت

اه انا عن نفسى مروحتش..بس لان ماما هى الى كان ليها حق التصويت و ماكنش ينفع الست تروح لوحدها وسط الهوجه الى

الواحد شافها هناك دى..بس فعلا فرحت بالنتيجة الى طلعوا بيها فى الاخر

الواحد كان متابع طول اليوم و سهرنا لغايه الفجر علشان نعرف و نتأكد و نفرح بالنتيجة

حتى لو كان ممدوح عباس مش هو اصلح من يقود الزمالك بس مين غيره دلوقتى رشح نفسه و ينفع يبقى قدها

كان نفسى دكتور عامر يرشح نفسه الراجل اثبت انه بيعرف يدير نادى كبير..

ولكن اهم حاجه انى مشفش الاستاذ مرتضى منصور ده ماسكها!!

بجد كانت هتبقى نهاية الزمالك بحق وحقيقى

انا فى حياتى مشفتش شخصية بتعيش على اهانة الاخرين او اكاله الاتهامات ليهم بالمنظر ده

احنا كرهنا الخناقات و التعصب و القرف الى الزمالك كان عايش فيه كل السنين الى فاتوا دوله

احنا عايزين واحد يمسك النادى بهدوء من غير بروباجندا و قضايا و لو محصلش ايه هاوديك على القسم

ممدوح عباس مش الاحسن بدليل انه من اوائل تصريحاته امبارح بعد الرئاسة انه هيرجع جمال و شيكا و اجوجو

يا خرابى ..اول القصيدة كفر..بس هاقول لسه الايام جاية و هنشوف هيعملها فعلا ولا لاء و لما هيرجعوا هايبقوا عاملين ازاى

انا كزمالكاوية شفت النادى و اللاعيبة عاملين ازاى اقدر اقول بكل ثقة انى مش عايزه لا جمال ولا شيكا بجد..

الى مش عايز النادى ولا هيتجنن عليه ,يروح يشوف حتة تانية احسن..

بكل بساطة و بهدوء ولا انا عايز امشى و تهديدات!!

الزمالك اصلا خلص الموسم على المركز السادس يعنى وجودكم عدم وجودكم مفرقش كتير يا لاعبيتنا يا كبار..

فالى هيفرق بجد انكم تاخدوا شنطكم بجد و تمشوا و تأدوا فى النادى الى يعجبكم 100%

او يأما تخليكم فى الزمالك و برضه نشوف ال 100% ..

لان الزمالك مش عايز من حد احسان ولا شفقة و لعبكم معاه مش تؤدية واجب..

دى كلمة شيفاها طالعة من اى زمالكاوى لاى لاعيب دلوقتى فى النادى

و نفسى الكل يفهم ان زمن الى كان الزمالك فيه بيسامح ماعدش موجود..

يا فيه عطاء يا فيه قضايا:P

وربنا يبعد عنا القضايا يااارب

the first comedy rumble in egypt!

2009-04-17T23:52:00.004+02:00

hello cairo
and welcome to the first ever comedy rumble in egypt!!

دى اول حاجه اتقالت فى الكوميدى رامبل فى الحفلة الى اتعملت النهارده فى دار المؤتمرات..,وهى للى ميعرفش عباره عن stand up comedy
اى كوميديا على الواقف..النوع ده من الكوميديا يهتم بكوميديا الموقف(نظام انا وانا ماشى اتكعبلت و..)..مش على الافيه(مرة واحد اتكعبل:))

انا بحب جدا النوع ده من الكوميديا لانك بتحس انها حاجه تمسك انت بشكل او بأخر وبتلاحظها فى كل حاجه حواليك
ولو مخدتش بالك هتخليك تاخد بالك منها..فهى كوميديا مقبولة ,اه هى بتعتمد على السخريه على الغير بدرجه كبيره بس على الاقل السخريه فى مكانها و ممكن تتعدى عادى مش زى النكت الى بتتقال دايما على حبايبنا الصاعيده و من وراهم البورسعيديه

...

الحفلة كان معمولها بروباجاندا كبيره وحسيت ان الناس عرفت ان فى حفله اه جايز مش كلهم او اغلبهم عارف يعنى ايه الكوميديا على الواقف
وغالبا مسمعوش حاجه زيها قبل كده..بس كلمه كوميديا على ما اظن هتشد الناس فى الوضع المنيل الحالى انهم يقبلوا يروحوا اى حاجه

العدد الى جه فى الحفله الى انا حضرتها الى كانت الحفله الصباحيه(مش صباحيه اوى كانت الساعه 4 بس كانت فى واحده تانيه الساعه 9) كان الناس فيها كتااار فعلا
مش زى مانا توقعت هايبقوا حبه صغيرين خصوصا انه اكيد ان الحفله بتاعه الساعه 9 هى الى هتاخد الاهتمام من الناس اكتر(ده يوم جمعه برضه و الناس عايزه تسهر)

يمكن الحاجه الى استغربتها شويه كانت اسعار التذاكر الى نسبيا عاليه اول تذكره كانت 75 ,125,175,215 اه هى ال75 ادت دورها بكفائه و اقتدرا تحسد عليه(كنا قاعدين و شايفين (اه مش وشوشهم بس عادى يعنى هانعمل ايه بيها(هو انا لازم ااقول كده علشان احسس نفسى ان مفيش حاجه ناقصانى برضه:))

بس فعلا كانت حفلة جاااامده جدا و الضحك مبطلش و ايدينا وجعتنى الى اقصى حد و زورى اشتكى من كتر صيحه التشجيع(الوووه) الشهيره:)
(واه انا من الناس الى بتعمل ووه و توجع ودانكم :P)يعنى لو شوفتونى فى حفلاات ابعدوا عنى احسن:)

المؤديين الكوميدين فى الحفلة كانوا:
1-احمد احمد:مصرى الجنسية بس كان عايش فى امريكا طول عمره هو كان قايم بدور المقدم ليهم و ان كان ده خلااه ميؤديش فقره كامله على بعضها نحس فيها بخفه دمه الى بجد(اه هو كان خفيف الدم جدا) بس هم اكيد غطوا عليه بفقراتهم الاطول منه

2-جورج عزمى

3-معتز عطا الله
4-شريف عزب

5-ماز جوربانى

6-angelo tesrouchasمش عارفه اسمه بيتكتب ازاى بالعربى هو يونانى الاصل مولود و عايش فى كندا و بجد ده اكتر واحد فيهم ضحكنا لدرجه العياط..بجد فعلا خفه دمه رهيبه
7-تيد اليكساندرو
8-اكرم حسنى(غالبا كل الناس عرفاه يعنى علشان شخصيه ابو حفيظه) هو اتكلم عليها من بعيد بس مطلعش بيؤديها يعنى و ده شىء حلو لانى ماكنتش هاحب انى اشوفه بحاجه مكرره الواحد عايز يشوفه وهو بيحكى كوميديا الموقف الى فعلا كان بارع فيها

الحفله عامة كانت وهميه واتكلموا فيها فى كل حاجه
ولم يسلم الامر من ذكر بوش و الجزمه او باراك
بس اكتر حاجه عجبتنى فى الحفله غير يعنى الضحك وكده التنظيم و الاهتمام بالتفاصيل الى فيها
حسيت ان الناس الى ماسكينها فعلا Very professional
زعلى الوحيد هايبقى على انه مفيش حفله تانيه قريب
لانها حاجه هاروحها كل اسبوع لو لقيتها
للناس الى ميعروفهاش ادخلوا على يوتيوب و اعملوا سيرش على اسامى الناس الى كتبتهم
و هتلاقوا فديوهات تشوفوا هتعجبكم الفكره ولا لاء.

من غير عنوان.

2009-04-15T03:43:00.004+02:00

بقالى كتير اوى مدخلتش كتبت اى حاجه هنا
داخله على سنتين بالتمام و الكمال
عارفه ان فى ناس مخلصين ليا(واخد بالك انت) بيعدوا هنا كل شويه يفتكرونى
وبجد انا بشكرهم على متابعتهم التحفه ليا دى
اه انا يبان انى بعت المدونة دى
بس انا لسه مبعتهاش
كتير ادخل عليها .يجيلى نفس اكتب و اتراجع فى اخر ثانيه
معرفش ليه..!

يمكن دى تكون بدايه رجوع و يمكن تبقى كعادتى بكتب حاجه كل سنة مرة
بس حبيت فى مدونتى الى بتعبر عنى ان يبقى فيها ذكر وفاه والدى الله يرحمه
وبرجوكم الدعاء ليه
اه هى متأخره كونه توفى فى 21\11
بس زى ما قولت مينفعش مدونتى حبيبتى ميبقاش فيها حدث زى ده مكتوب
حبيت ادخل ااقول قد ايه انا مفتقداه..
فالحمدلله على كل حال

و..
انتظرونى!
او متنتظرونيش:>
مش عارفه بقى!!

زمالك واهلى

2007-09-17T10:53:00.002+02:00

استرها يا رب
هى مش ناقصه الى هيحصل النهارده
بجد نفسى الزمالك مش يعمل فيا انا عمايله البايخه
اكسب بقى يا اخى خنقتنى
هو لازم كل مرة الواحد يقلق اوى كده حتى لو كان هو الافضل
يخرب بيتك يا زمالك يا مقلقنى كده

واحم رمضان كريم يا جماعه!

تحديث:
الى حصل حصل يا جماعه و الضرب فى الميت حراام

بخسر نفسى

2007-09-09T19:07:00.001+02:00

بخسر نفسى
مع كل لحظه ندم على شىء كان او لم يكن
مع كل يوم يفوت لا بحقق جديد ولا حتى بموت!
مع كل مشهد دم عربى اتراق..حسيته ذنبى..وبعد شويه انسى الذنب
وكل مشهد فقر بيعدى قدام عيونى ..صدقونى ساكن فيا و بيزيد جنونى.
ياا صحابى ليه سيبتونى مش حساكم وبجد ده بيزيد همومى
وحتى اللقطة كوميديه حلوه اه ولكن مبتضحكش
وحتى البرائه راحت منى .ادور عليها ولا ااقولكم احسنلى مدورش.
يا جبال الحزن جوايا ادفنينى تحتيكى خلينى محسش بقى زهقت من الاحساس
وقولى لكل حبيب حاسب متقربش..ده الى قرب خسرته.والى بعد احسن انه مجربش
مع كل ضحكة اخاف لتكون الاخيره ,نفسى تطلع من قلبى بس ليه مبتطلعش
اضحك على نفسى وااقول هاكون بخير.
يمكن بكره يكون احسن وترجعلى نفسى

معلش انا لسه صوغيره يا جماعة

2007-09-06T07:32:00.001+03:00

انا بجد مكسوفه ..مكسوفة الى اقصى حد.
امى انا تبقى حزب وطنية!؟معقوله دى
طيب ليه و على انهو اساس..
هى مبتشوفش الى بيحصل فى البلد مبتنزلش الشارع
هى الصراحه بتنزل..طيب هو فى ايه ؟!
ازااى مقتنعه ان بابا مبارك و ماما سوزان واونكل جمال كويسين يعنى وولاد حلال و مصر مجابتش زيهم ابدا يا جماعة
انا احترم رايها الى اقصى درجه ولكن على انهو اساس تتنفض و تقوم و ماتقعدش لما تسمع ارائى
ومش على لسانها كلمه غير بكرة تكبرى وتفهمى اصلك صوغيره
يا حلاوة ياولاد يعنى مصر مش وحشة ولا طالع عين الى فيها علشان انا صوغيره وبكرة باذن الله كده
لما اكبر ويكون عندى عيال وجوز ادعى عليه ربنا ياخده تبقى مصر تمام و امى و ام الدنيا كمان
يا حلاوة يا ولاد كمان مرة
امال الاخوة الى معدى الشيب على شعورهم دوله شايفين الى انا شيفاه على انهو اساس برضه
لا كده انا من هذا المنبر بقولهم انتوا لازم تكشفوا لانكم اكيييد عقلكم لسه صوغير
مش معقوله الى بيحصل ده!!ازاى تسيبوا نفسكم بالمنظر ده
انا شايفه ان ماما واخده الامور فى تلات محاور (زى محمد صبحى فى فارس بلا جواد)تعالوا كده نشوف

اول محور:
بيقولك ان الجرايد المعارضه و الناس الى بتطلع دى كلها ما هم الا شويه حرامية بينهبوا فلوس من بره و نفسهم يا ضنايا ياخدوا كمان من جوا علشان كده مش هيسكتوا الا لما يمسكوهم مناصب هم كمان
فالناس مالهاش غير الجرايد الحكوميه يا ناس هو فى احسن منها..
ياخرابى على مقالتها الى كلها عن تقدم مصر ووصلها للمراتب العليا
يعنى فعلا هى عندها حق حد يسيب حد عمال يقنعه انه مفيش احسن منه فى الدنيا علشان يروح لحد بيقوله انت واقع فى حفره ومش هتخرج منها يا ولدى!بقى ده اسمه كلام ميصحش مينفعش!

نيجى بقى لتاانى محور
بابا و ماما و اونكل كمان ولاد حلال اه والله و قلوبهم علينا ويارب يخليهم لينا دايما كده يارب قولوا امييين
دايما كده ظاهرين فى التلافزيون و اشى ندوات و اشى لقاءات و شويه افتتحيات يعنى من الاخر يعنى
الناس دى بتعمل الى عليها وزياده
ياجدعان دوله حتى مش عارفين يقعدوا فى بيوتهم ثانيه
بقى بذمتكم فى حد يسيب بيته (قصور اقصد يعنى)ويخرج يعمل الى بيعملوه ده غير علشان هم وطنين
اللهم ما زيدهم وطنيه يااارب
ده حتى المصايف يا جماعه حتى المصايف المخصصة ليهم مش بيروحوها كلها و اخرهم مصيف ولا اتنين
من خوفهم علينا والله..بذمتكم مش ناس طيبين والله

وتاالت محور و اهم واحد يعنى:
طالما انت بتمشى فى الشارع و مبتلاقيش حد قالع هدومه يعنى لامؤاخذه يعنى
و قاعد يصوت ويقول انه عايز ياكل ويخرب بيت الحكومة يبقى اكيد مصر بخير
مصر بخير يا سوسن و يا حسنية

وانا بجد احب اطمن ماما واقولها السنين اهى جايه و بنتك تكبر وتعقل و متبقاش صوغيره

وتحية للحزب الوطنى !
والله ولعبتها صح

انا مش مصدقة نفسى!!!

2007-09-04T01:59:00.000+03:00

لا بجد فعلا مش مصدقه نفسى
انا على البلوج الحبيب بتاعى
اخيـــــــــــــرا
انا بجد اسفه جدا جداجدا على الوقت الرهيب الى انا غيبت فيه الى اكيد اكيد الناس نسيتنى فيه
بس كان عندى شويه ظروف تحفه فعلا يعنى..
بس ااقدر ااقول انى رجعت او بحاول ارجع على الاقل يعنى..
بجد ومش ليكم عندى حلفان وحشتونى و البلوج ووحشنى و حتى عم محمد البواب وحشنى هو كمان!

it's my birthday!

2006-10-23T18:33:00.000+02:00

it's my birthday
althought i don't feel like it
the eid had stolen from me my joy:(
bad bad eid
just saying hapPY birthday to me

العار ولا التار

2006-10-13T18:02:00.000+02:00

"مقدمة لابد منها"

مش عارفه انا ايه الى جاب محتوى البوست ده للعنوان
بس العنوان بتاعه عاجبنى بقى فقولت لازم احطه
......
"عندما تعشق الشيكولاتة"
الفصل الاول
اتفقنا انا واخويا وثروة ومحمد ياسر نروح حفلة محمد منير فى الاوبرا
الى كانت امبارح دى وطبعا الحفلة كانت جامده واليوم لذيذ
طبعا كل شىء كان تحفه باستثناء بسيط جدا
انى انا ومحمد اخويا اتأخرنا جدا على الحفلة وقولنا نضيقها مشى بالعربية بدل ما ندخل
ونبقى ناقبل ثروة ومحمد ياسر بعد الحفلة
كل ده عادى برضه باستثناء بسيط جدا برضه(كترت الاستثنئات اوى انا عارفه معلش)
انهم ميعرفوش اننا محضرناش الحفله فاكرن اننا موجودين معاهم بس مش عارفين نوصلهم لان طبعا الحفله زحمة
واحنا اتاخرنا ومدخلناش مع بعض وهنا ابتدت الخطة الشيطانينة
.........

"عندما يتفق توم مع جيرى"

انا:ايه رايك يا مودى نعملها عليهم ونقولهم اننا فى الحفله فعلا ولما يخرجوا نقعد نشتلغهم
محمد:جميل جدا (ضحكة شيطانيه بس دى من خيالى بس الموقف كان محتاجها اوى)

انا:اكتر حاجه نضمنها فى الموضوع ان منير اكيد هيلبس حاجه غريبه فلازم نعلق عليها
هنقولهم شفتوا منير كان لابس ايه ونندهش ونسخر وهم زى الهبل هيكملوا المعلومة باه كان لابس ….وتكمل العملية(فظيعة جدا انا)

……

"تفاصيل خطة النصر والعبور الكبير"

حظنا اننا روحنا الاوبرا فى نفس التوقيت الى الناس خرجوا فيه واتصلنا بيهم بقى وقولنالهم انتوا فين احنا طلعنا ومستنينكم بره

وبعد السلامات بقى والذى منه:
انا: ايه رايكم فى الحفله جباره مش كده
ثروة ومحمد ياسر: جدا جدا

انا ومحمد عاملين نفسنا بقى ايه طهقنا من الدوشة و قال ايه السماعات يا عينى كانت هتموت سمعنا وتخلينا مش سامعين حاجه

طبعا ركبنا العربيه وقعدنا ندور على مكان نتسحر في ورحنا على كوك دور وقعدنا بقى نكمل الفصل عليهم

شوية نقولهم اغانى يقولونا ماكنتش موجوده فىالحفله متاكدين انكم حضرتم

ونقعد نضحك ونقول انتم عارفين مش بنسمع منير بقالنا كتير بس الى جنبنا كان يقولنا دى اغنيه اسمها كذا

واحنا بنعوم على عومة بقى الواد شارب اه بس منكدبوش يعنى

وشوية نقول اغانى والحمدلله تطلع كانت فى الحفله ويتطمنوا ان احنا مجرالنش حاجه وكنا بنسمع اوبرا عايدة بدلا من منير

كل شىء تمام بنتكلم عن الاغانى و لبس منير وحتى الشرب فى الحفله

حتى جائت اكتر حاجه اكدتلهم اننا اكيد اكيد حضرنا يعنى
انا: شفتهم الخناقه الى حصلت فى النص الكبيره دى
اخويا بصلى باستغراب بقى الى هو وسعت منك دى يا منار
بس ثورة ومحمد ياسر قالوا اااه شوفناها دوله كانوا جاين علينا واحناب عدنا وقعدوا يضحكوا
اخويا مقدرش يمسك نفسه قعد يضحك يقولى جبتيها ازاى يابنت الايه انتى

قوله عيب عليك كنت حاضره بس انت مش عارف

طبعا قعدنا نضك كتير عليهم وفى الاخر وجهناهم بالحقيقه المرة وقولنالهم:
فى اعتراف قاله منير فى الحفله ايه رايكم فيه

طبعا مفهموش اعتراف ايه

قولنالهم مش منير قال فى الحفله: ان محمد و منار محضروش الحفله اصلا يا ثروة ومحمد وعليكم واحد

وقعدنا نضــــحك بقى طبعا ثروة بلمت شوية بس قعدت تضحك ومحمد ياسر اخد وقته وخلانا نكرر الكلام علشان يستوعب الموقف كويس

بس فعلا اكتر حاجه كانوا مستغربينالها عرفت منين ان كان فى خناقه لان دى الحفله الوحيده الى فى ناس اتخانقوا فيها

هى جت حظ بقى علشان ده كان يوم مبروك واحنا فى رمضان

ومحمد وثروة عليكم واحد
……

"نصيحة اخوية"
متصدقوش ان محمد ومنار بيحضرواا الحفلاات الا لما يكونوا واقفين جانبكم

بعضا من الخصوصيه نرجوكم!

2006-09-08T06:36:00.001+03:00

حد فيكم قابل موقف كان فيه بيتكلم فى التليفون فى موبيله رن
و الى معاه اتومتيكى سئله مين؟؟

اقدر ااقول مين مقابلوش اصلا..!

كنت راكبه العربيه مع بابا و السواق..

و موبيل السواق رن بابا سئله مين بيتصل بيك؟

سؤال يعنى غريب حبتين!

هو بابا ماله هو مين الى بيتصل بالسواق؟

و افرض كان حد مش عايز يقول عليه..

يعنى هو فضل ساعه يدور على اجابه و قال البيت فى الاخر

يا اخى اتحرجتلك..

و قعدت افكر طيب ماهو انا كمان لما صاحبتى حد بيرنلها هاسئلها مين

و ليه و فين و الاسئله الغريبه الى تحس انها لازمه يعنى و لو مسئلتش تبقى فيك حاجه غلط!

طيب هل فى خصوصيه بين الغرباء و مفيش بين الاصحاب..

شيلناها اتوماتيك اول ما دخلنا فى مرحله الصحاب..

طيب هو ده فضول .. حب معرفه..

حب دس انفك فيما لا يعنيك..

ولا دى علم لا يضر!

وياترى هو كله بيسئل مين الى بيتصل دى ولا دى حاجه فى العايله:)!

i'm back

2006-09-01T17:30:00.000+03:00

i'm back

whether it's good or bad:)

wanna say thanx for all the people who asked for me while i was gone

صور حفله المدونين

2006-06-18T17:51:00.000+03:00

حفلة المدونين

2006-06-11T17:28:00.000+03:00

صراحة انا مش ليا لا نفس اكتب ولا اى حاجه
بس قولت انى لو مكتبتش دلوقتى مش هاكتب بعد كده عن الحفله..
ابتدى اليوم بخروجة جميلة جدا..
وشوفت ثروة حبيبتى الى مشفتهاش من زمن..
كنت انا و اخويا وثروة و محمد ياسر و تامر فتحى
جت الساعه 8 الا ربع قولنا ننطلق الى نقابه الصحفيين
الى قعدنا ندور عليها ونتوه فى الطرق لغايه لما وصلنا الساعه 8 وى..
محوطة بعساكر يحرسوها من العين.. اول مرة اشوف المنظر ده قولت بسم الله الرحمن الرحيم من اولها عساكر.. ليلتنا بيضه ان شاء الله
دخلنا لقيت بقى الكاميرات و الحوارات الصحفيه شغاله قولت يا عينى على التغطية..
ولقيت مالك بيتعمل معاه حوار على ما اظن..
ثم على باب القاعه لقيت شيمو.. البنت مرحبتش بينا خالص الله يكون فى عونها يعنى منظمة و شايله كل حاجه على كتفاها دخلتنا جوه زى الكتاكيت واقعدوا ..
دخلنا ولقينا الحلقه الى اتعملت عن المدونين بتتعرض
صراحة معجبتش اى حد فينا.. لاننا كلنا كنا فعلا شوفناها..بس بعد كده عرفت انه كان فى ناس تانيه مشفتهاش و ميعرفوش مين المدونين اصلا فهم اخذوا القرار فى اخر ثانيه انهم يعرضوها..
خرجنا بره القاعه وسلمنا على غاده صاحبة مدونة سامحونى ماكنش قصدى و ميندونا
بس مظنش انهم هيفتكروا يعنى..وجه محمد علاء الدين ثم محمد فتحى
وقعدنا بقى نشوف اول فرقه
مجموعه من الشباب لابسين البيجامات و منعكشين شعرهم

كانت ليهم حاجات حلوة و كانت ليهم حااجات ولا ليها لازمة و شعرتنى انا بالملل صراحة يعنى
بس بعد كده ثروة ومحمد ياسر مشيوا ومفضلش غيرى انا واخويا بقى
وجت فرقتين تانين كانوا فعلا وهميين
ضحكنا كتير و صقفنا كتير
وخلصت الحفلايه الجميلة بجد
وروحنا مع شيمو بقى خطفناها منهم علشان البنية متتاخرش اكتر من كده
البنت شالت كتير فعلا وملحقناش نشوفها فى الحفله اصلا
طبعا لازم ااقول انى قرفت مالك فى عيشته علشان صورة كل ما اصوره تحصل حاجه و الصورة تبقى مش مظبوطة
معلش يا مالك يعنى
بجد كان يوم جميل جدا جدا

انا بحاول ارفع الصور على البلوجر و هو مصرميحطهاش..
ادعوا ان ضيقته تتفك و اعرف انشرلكم الصور الى اخدتها

غنيلهم يا بهية

2006-06-02T16:44:00.000+03:00

تترات المسلسلات

2006-06-02T04:39:00.001+03:00

تترات المسلسلات بتكون مؤثرة فى حالاات كتيرة

ومن احسن التترات الى سمعتها

هى التترات القديمة الاغانى البدايه و النهايه

مصنوعة بحرفنة و الغناء كان ياما محمد الحلو او على الحجار

و غالبا كان محمد الحلو ولما شفت ليوناردو حاطط فى مدونت بوست عن تتر
الوسية

فكرنى بالتترات الى انا بحبها وقولت اكتب عنها
زى المال و البنون:
قالوا زمان دنيا دانية غروره
قولنا و الى تغره يخسر مصيره
قالوا الشيطان قادر و له الف صورة

قولنا ما يقدر على خيره لغيره
.....
ايه معنى دنيتنا و غاية حياتنا؟

اذا بعنا فطرتنا البريئة الرقيقة

ازاى نبص لروحنا جوه مرايتنا؟

اذا عشنا هربانين من الحقيقة

....

قالوا زمان دنا دانية غروره

قولنا و الى تغروه يخسر مصيره

قالوا الشيطان قادر و له الف صورة

قولنا ما يقدر على الى خيره لغيره

.....

ومين نكون لو بعنا يومنا و ماضينا

وليه نعيش اذا كانش بكرة يراضينا

وازاى ننام من غير ما نحلم ببكرة

وبكرة ده فين هايجيى الا بادينا

....

قالوا زمان دنا دانية غروره

قولنا و الى تغروه يخسر مصيره

قالوا الشيطان قادر و له الف صورة

قولنا ما يقدر على الى خيره لغيره
.....

و اذا اردتم تحميلها اللينك اهو

http://www.savefile.com/files/9703088

tagged!

2006-05-28T19:45:00.001+03:00

ميرسى للدكتور صاحب مدونة(اياكش تولع).على السؤال ده
ايه الى بيخلينى احس بالسعادة؟
ايه الى بيفرحنى

حاليا.. انى اسمع صوت بابا او ماما..
انهم يكونوا راضيين عنى(للاسف ده كان فى الماضى اهىء اهىء(

القرب من ربنا ..بيخلى اى واحد فرحان وحاسس بالرضا

انى اكون اتفرجت على فيلم جاااامد بجد تمثيل بقى و اخراج و كله ببقى فى قمة السعاده
(انى اشوف عظمة قدامى( مثلا نقول فيلم الاب الروحى و هو خير مثال على القمة
(استمع كده لاغنية وهمية كده و اندمج معاها( عبد الحليم على سبيل المثال
اكون قاعده مع صحابى كده و قاعدين بننم على البشر و بنضحك( غالبا سيتى ستارز مقرنا الرسمى
(واخده بالك يا شيمو
لما اقرى قصة تشدنى كده باسلوبها و اقراها مرة و اتنين وتلاته
لما العب استماشين او ترنيب و ابقى الكينج كده او الساب كينج و اخويا دايما يبقى ياما الكوز او الساب كوز (دايما يقول انى انا السبب لما مبكونش موجودة بيغلب الجميع بشهادتهم الظاهر انى ليا عوامل مؤثرة عليه
لما نكون ملمومين الشله فى محادثة واحده على الماسنجر و تلاقينا كلنا بنخبط فى بعض و بنستفز بعض كانها هى دى مهمتنا فى الحياه و احلى ما فى الموضوع نقضيها ضحك(اه منكم يا شلة الفساد(

لما اكتب شعر او خاطرة واحس انها بجد عجبت الناس بحس ان الحياة حلوة

لما الاقى اى كومنت جديد فى المدونة بفرح اوى
لما بلاقى اى حد بيتصفح مدونتى غيرى
لما بلاقى حد ضايفنى عنده
(اظن ان كل المدونين قالوا التلات جمل دولة)

لما اكتسب صداقة حقيقيه بجد بفرح اوى
لما اقعد العب مع ميكى كده و اشوفه فرحان
لما اقعد اتناقش مع حد يحترم راى و احترم رايه
لما ابقى قاعده فى العربيه وببص من الشباك ومشغله اغانى و اقعد اسرح
كفايه كده اوى

ياريت بقى كل الناس الى حاطهم فى لينكاتى يتفضلوا يردوا على السؤال
وخصوصا: ادهم.. شيمو..محمد ياسر.. ياسر.. و ليو

no ordinary love

2006-05-24T16:08:00.000+03:00

another romantic song

and it's really brilliant

artist:sade

song:no ordinary love

I gave you all the love I got

I gave you more than I could give

I gave you love

I gave you all that I have inside

And you took my love

You took my love

Didn't I tell you

What I believe

Did somebody say that

A love like that won't last

Didn't I give you

All that I've got to give baby

I gave you all the love I got

I gave you more than I could give

I gave you love

I gave you all that I have inside

And you took my love

You took my love

I keep crying

I keep trying for you

There's nothing like you and I

baby This is no ordinary love

No ordinary Love

This is no ordinary love

No ordinary Love

When you came my way

You brightened every day

With your sweet smile

Didn't I tell you

What I believe

Did somebody say that

A love like that won't last

Didn't I give you

All that I've got to give baby

This is no ordinary love

No ordinary Love

This is no ordinary love

No ordinary Love

I keep crying

I keep trying for you

There's nothing like you and I baby

This is no ordinary love

No ordinary Love

This is no ordinary love

No ordinary Love

Keep trying for you

Keep crying for you

Keep flying for you

Keep flying I'm falling

I'm falling

Keep trying for you

Keep crying for you

Keep flying for you

Keep flying for you I'm falling

I'm falling

....

i've upload it

here's the link:http://www.savefile.com/files/6377967

hope u like it

براحة علينا يا حكومة!!

2006-05-11T17:11:00.002+03:00

الحكومة بتعلنها بصراحة
مفيش حد اكبر منى!!
والى مش عاجبة يخبط دماغة فى الحيط..
او هنخبطله احنا دماغه فى الحيط
باى من الطريقتان هتتخبط دماغه فى الحيط يعنى هتتخبط دماغه فى الحيط!!
....
اعتقال علاء و مالك و ناس كتيرقبل كده
ثم اعتقال حوالى 300 معارض فى مظاهره النهاردة!!!
ايه الكمية المهولة دى من البشر!!

....
مش عايزينكم تعملوا مظاهرات تانى ولا اعتصامات

مش عايزين حد يخرج يقول لاء فى البلد دى
هو ده الى الحكومة بترسله للناس
و بعد ما كانت المعارضة علنية هتصبح فى نطاق السرية
الحكومة هتفضل تعتقل فى الناس لغايه لما ميتبقاش حد يقول لاء اصلا
هل هى دى الخطة؟
اذا فانا بحيى الحكومة على انها قررت تعمر السجون
و استرجع معاكم الاغنية الرائعة
عايزينها تبقى خاضرة
الارض الى فى الصحراء
و طبعا الصحراء هنا تعنى السجون

ميــكى

2006-05-06T07:59:00.000+03:00

اهو نديها حبة تغيير
ادى شوية صور للقط بتاعى :ميكى

كله يبلغ عن كله!

2006-05-01T05:23:00.001+03:00

كله يلا يبتدى معانا حملة التنضيف.. احم التبليغ
ويبلغ عن نفسه ولو عرف يبلغ عن جاره و باباه و ماماته و اخوه الى مغلبه ياريت يبلغ يعنى
احنا محتاجين لكل تبليغه يا جدعان..!
ومش بعيد الواحد من دولة(بتاع كلة) يجيى يقولك انا ابلغ عن نفسى ب50 جنية
ماهو الترديد لمبارك بفلوس و التبليغ برضه بفلوس عندهم!!
.....
معلش اعذرونى حبيت اهزر شوية لان الموضوع اسمه كبير
لانه محدش فى الزمن ده و احم اظن ولا فى الزمن الى قبل ده كمان كان ممكن يبلغ عن نفسه
مصر اتطورت يا جدعان و بقى الشعب بيبلغ عن نفسه
و مش اى تبليغة

تبلغ يا بيه(زى تولع كده )حاجه على الموضة
.....

دلوقتى لما الى بيحبوا مصر عملوا اعتصام سلمى اعتقلوهم
و المطلوب منا على الاقل نقف جانبهم و نحاول نخرجهم
و الوسيله الى قدامنا دلوقتى ان الواحد يبلغ عن نفسه
هتفيد بايه ؟
اقولك تفيد انه الحكومة لو لقت ان فى اكتر من 3000 فرضا يعنى بلغوا عن نفسهم
هتوقف التحقيق و تبطل الحكم و يخرجوا المعتقلين و اكيد هنكون ساعتها كسبنا.
فياريت محدش ياخد الموضوع على انه اى كلام
و انت مش هتخسر حاجه لو بلغن عن نفسك

ارجوكم يا جماعه كله يدخل هنا عند منال و علاء و يبلغ
ده اقل حاجة تقدر تعملها و ياريت متتكاسلش
http://www.manalaa.net/

انفجارات و اعتقالات

2006-04-27T20:07:00.001+02:00

تم اعتقال مدير مكتب قناة الجزيرة فى القاهره!
كل ده علشان تغطيته للانفجارات فى دهب فى سيناء
ايه الى الحكومة ماكنتش عاوزة الناس تعرفة

ايه الى بتخبية عنا الحكومة
على حد علمى الحادث لا يمت بصلة للنظام الحاكم او الحكومة بشىء..
ولا يمكن هو من تنظيمهم حاجه تغطى على الى اعتقالهم للمعتصمين سلميا امام نادى القضاة!!
مفيش حاجه بعيده عن الحكومة..
يعنى لو شغلنا نظرية المؤامرة بقى نقول ان بن لادن مش دمية للامريكن لا ده دمية لحكومتنا المقتدرة
و يا سلاام بقى لو روحنا بدماغنا كمان شوية و قولنا انهم السبب وراء كل (ثلاث انفجارات)فى سيناء

بس كانت الحكومة دى بتفكر ازاى و هى بتعتقل مدير مكتب الجزيرة
يعنى مش عارفين ان الجزيرة دى بقت من اكثر وكالاات الانباء شعبية بين العالم العربى حاليا
يعنى ده مش اى مواطن عادى بيطلع عينه و يمكن يقتلوه و محدش هيسمع عنه حاجه
و زى ما بنقول راح فى خبر كان.
و كان هنا برىء تمام البرائه من الى حصله.
صراحة مش قادرة افهم غباوة حكومتنا..
و حلاوة شمسنا
ده الجو عندنا انفجارات طول السنة
بالمرة علشان تكمل الاغنية..

وفى الجوووول يا حكومة

...

2006-04-09T20:37:00.000+02:00

دى قصيدة كاتبها الاخ العزيز محمد فوزى عن قريبه الى فقده فى حادث العبارة المؤلم
صراحة مفيش كلمات تعبر ولا اى حاجة عارفة ااقولها عن الموضوع
بس اقرئوا القصيدة و ارائكم

مات أخي..

فلا جبهه ألثمها ..

ولا قبر اتلو عليه قرءان

امات أخي ..

ولا عبق من ذكراه يبقي

أفبأمتي يغرقون الريحانا؟

يا أيها الصامتون

اذا كان الضعيف يذبح فيكم

فلا تنتظروا من الله غفرانا

قتلوك يا اخي

وانت فؤاد فؤادي وبضعه مني

والحزن بقلبي لهيب

والدمع لولا أكتمه سيغرقني

فاذكرني عند ربك

وسله راجيا ان يقبضني

يا أنس

ان من قتلوك لا زالوا يهللون

فلما عرفوا بمأساتي أدمنوا السكوت

فهذي مصر التي توحشت

جلاد صاخب..

وشعب صموت

يا حبيبا ظننت انه ليس بميت

فادركت ان الله وحده حي لا يموت

لست بميتٍ

فان الموتي بمصر في كل جانبِ

ولسنا بالبلد الامين

ولسنا بالشعب الطيبِ

فانا أصبحنا عميان

انقتص من البرئ

ونرجو التوبه عند اقدام المذنبِ

ما كنت احسب اني سارثيك

والحزن يعصرني

والحرف يشق قلبي

بالخطو الوئيد

ما كنت احسب انّا سندعو لك رحمه

ركّعا وسجود

أين لي بقبر ألثم ثراه

وانا أدرك أنك لن تعود

من لي يرتمي بأحضاني

عندما أصرخ..

ان عذابيَ لشديد

يا أنس..

ما زالت تحوطني أنفاسك العطرات

فتبكيني وابكيه

اويا طالما تغنيت بكلماتك الطيبات

واليوم أرثيها..

ان الموج الذي اختطفك

يعرف بشاعه الجريمه

ولكنه عفي عن القصاب

وطوي روحا طاهره كريمه

ومنعني ان ألثم راحتيك

في ثوانيك الأخيره

فهل البحر مثلنا .

يحترف الهزيمه..؟

أنهم لا يزالون يقتلون الطيبين

كي تصبح بلدي مدينه للضباع

يتكالبون علي الضعفاء

فاذا حق القول..

تفرقوا مللاً واهواءً وأشياع

قتلوك يا كنز أيامي

بلا سب

بقتلوك يا طيف احلامي

بلا سبب

والجوي يشطرني قطع

اًلألف سبب

رموا بوجهي حفنه من الجنيهات

خرست..فليست تجدي بعد الموت كلمات

فتباً لمصر..

وسحقا لجميع العرب

أحاول ان أصدق انك ما عدت حياً

وانك لن تعود تهمس بصوتك الطفل لديا

وان لا مكان بالارض يجمعناوانك بالفردوس علياً

فيا ويلتي اذ يصبح الحزن دينا

ويصبح الجوي نبيا

قتلوك يا زهره أيامي ولا يزالون يعيثون في الأرض ظلما

ويبحثون عن ضحيه تاليه..

ويشربوا همو الماء صفوا

وحين صرخت أنّا ظمئ

كسروا بين عينيّ الأنيه

ويدنسون المحراب صارخين

مات الشعب ..

كي يعيش الطاغيه

وبكل دقه من دقات الساعه يقتلون صبياً

فمن ياتري سيكون القتيل

اذا دقت الساعه التاليه؟

وداعا يا قصيده عمري..الوداع

لم يعد بامكاني الا ان أقول الوداع

تترقق العبرات بعيني

ولربما انشق القلبُ من الأوجاع

هاسميها غباء متابعة!

2006-04-01T12:54:00.000+02:00

لما بيكون فى كذا واحد فى مضار واحد

لازم تخلق منافسة ما بينهم

و اظن فى حالة القنوات الفضائية المتخصصة فى عرض الافلام الاجنبية
و المسلسلاات و الخ فبالتاكيد هناك منافسة
يعنى على سبيل المثال حفل جوائز الاوسكار السنة الى فاتت
كانت حقوق الاذاعة للام بى سى
السنة دى اخدتها قناة وان عن جدارة
كل ده كويس جدا و خصوصا ان المستفيد هو المشاهدين

ولكن ان يوصل للغباء فى المنافسة فده شىء غريب!!
يعنى مثلا فى اغنية اسمها bang bang
استخدمتها قناة وان من كام شهر فى اعلانتها
و بمنتهى الغرابة الاقى قناة الام بى سى 2 بتستخدمها بعديها بشهر او اكثر
مش مشكلة الوقت الى ما بينهم
ولكن ازاى تستخدم اغنية تم استخدامها من قبل من قبل قناة اخرى
و المصيبة انها قناة منافسة
يعنى يا ريت دى قناة اغانى و دى قناة اعلانات عن منتجات مثلا!!
ده كان اول الكوارث
.......

اجى للكارثة الكبيرة الى فعلا حتى الان مش عارفة استوعبها
قناة (ابو ظبى) عرضت فيلم ملك الخواتم فيلمى المفضل الى بعشقه

يوم الخميس الماضى..
كلام جميل مقدرش ااقول حاجة عنه
و..
قناة وان عرضت فيلم ملك الخواتم نفس الجزء امبارح يوم الجمعة
احم يمكن ماخدوش بالهم يعنى
اينعم هم بيعلنوا على عرضة بقالهم اسبوع بس عادى يعنى جل من لا يسهو
ولكن..
قناة ام بى سى 2 هتعرض فيلم ملك الخواتم نفس الجزء النهاردة!!!!!
احم..
بجد!!!

هل وصل الحال انه يتم عرض فيلم واحد على تلات قنوات مختلفة على مدار تلات ايام متتالية!
طبعا هو ده شىء مفرح ليا انى اتفرج عليه يوميا
انا بعملها من غير ما هم يعرضوه اصلا

بس للدرجة انهم يعرضوه بالمنظر ده!!
مش تحقير فى مكانة الفيلم انا اخر واحدة ممكن اعمل حاجة زى كده
بس انا بتكلم عن الناس الى المفترض بتابع القنوات الاخرى
انا ماكنتش هاتكلم لو كانت المحطات دى كلها تبع شركة واحده او مالك واحد
عادى كان هايبقى اسمها اعادةولكن انه يكون فى تلات محطات اتنين منهم متنافسين جدا,
يعملوا حركات بالغباء ده,اسمحولى اانى اعترض
هو يمكن اكون انا مبفهمش ولا حاجة مثلا و ده ذكاء منهم و ياريت يعنى لو فى حد يطلع يقولى ان ده مش غباء و ان ده شىء بيدرسوه مثلا فى كلية الاعلام..لما يتعرض فيلم على محظة منافسه ليك تاكد انك تعرضه على محطتك بعديها على طول علشان الناس تحبك و ربنا يحبك!!
و ربنا يشفى بقولها من كل قلبى

i've been tagged!

2006-03-28T04:08:00.000+02:00

طبعا ربنا يخليلنا ادهم

باعت شوية اسئلة عثل واللة عموما ربنا يسهل و احلهم بقى

What is your idea of perfect happiness?

انى اكون مع اصحابى قاعدين بنضحك ومفيش ورانا هم

What is your greatest fear?

انى اموت وماكنش اديت الى عليا ناحية ربى

Which living person do you most admire?

مفيش قد بابا ومااما

What is the trait you most deplore in yourself?

الكسل

What is the trait you most deplore in others?

النفااق

What is your greatest extravagance?

الخروجات

On what occasion do you lie?

لما يكون فى مشكلة و عايزة اطلع منها او اصلح بين اتنين

What do you dislike most about your appearance?

مفيش والحمدلله,خلقة ربنا هانقول حاجة

Which living person do you most despise?

اظن الحكام العرب دولة اكتر من شارون و الشلة دى

Which words or phrases do you most overuse?

مش عارفة..عادى..اصلا

If you could change one thing about yourself, what would it be?

اخف شوية من عصبيتى

What do you consider your greatest achievement?

اممم,ممكن انى مازلت محتفظة بصداقة الكتير و عايشة

If you were to die and come back as a person or thing, what do you think it would be?

قطة

If you could choose what to come back as, what would it be?

اى حد من اتباع الرسول(ص)علشان اشوفه بس

Who are your favorite writers?

د\احمد خالد توفيق..احسان عبد القدوس..يوسف السباعى..محمد البساطى..انيس منصور..محمد المخزنجى

Who is your favorite hero of fiction?

سام(سامويز جامجى) من فيلم lord of the rings

What do you regard as the lowest depth of misery?

عدم القدرة على الضحك

Where would you like to live?

فى عالم خيالى زى لورد كده او هارى بوتر

What is the quality you most like in a man?

انه يكون راجل بجد

What is your greatest regret?

مش عارفة

What OR Who is the greatest love of your life?

وانتوا مالكوا, ناس غريبة بصحيح

How would you like to die?

بين الى بحبهم

What is your most marked characteristic?

السؤال ده حيرنى بغباء..عندى صفات كتيرة بجد عايزة ااقولها ..بس اكتفى انى ااقول انى انسانه

.......

اخيراااا خلصت
الناس بقى الى انا عايزة ابهدلهم معايا هم
محمد ياسر,مارك,ادم,طاهر,تامر,ثروة,احمد

واى حد نفسه يتبهدل يعنى

ياريت زى ما بيقولوا الامريكن اخدم نفسك

عيد الام!

2006-03-25T07:02:00.000+02:00

عدى عيد الام فعلا

وانا كنت قولت مش هاكتب عليه فى البلوج

بس معرفتش!

هو ايه لازمة عيد الام؟
الواحد بيتذكر فيه جمايل امه عليه

ويديلها وردة و هدية ويحاول ميزعلهاش النهاردة بس يعنى

على اساس انه عيد الام يعنى

واليوم الى بعديها على طول خناقات و بتاع ..راح فين عيد الام يابنى!

ماهو خلاص عدى يا ماما احنا هنعمل شغل و هدايا كل يوم ولا ايه يا ست الكل

فين المصروف بقى!!

زى ما انا ضد يوم اليتيم انا ضد يوم الام

كلها مسميات لايام المفترض انها بتخلينا نفتكر اكتر او نفتكر اصلا لو كنا ناسين

يعنى مثلا هو يوم واحد فى السنة غير العيد ميلاد يعنى الى بنفتكر فيه امهاتنا!

ونحاول نشيل عنها يعنى!

طيب و الناس الى امها مش موجوده معاها لاى سبب من الاسباب

نخنقها بقى و نجيبلها شلل

وجبتى لماماتك هدية ايه بقى

نعم!

ماهى مش موجودة!.م انتم عارفين انها مسافرة!
ااه سورى!

مثال بسيط ..

انا مبحبش تجميع التقدير و المحبة و اظهارها فى يوم معين

لمجرد تسميته عيد (اى حاجه)مالهاش لازمة يعنى

وياريت اصلا فى ناس فعلا بتعمل بالعيد ده

ممكن تيجى تسئل حد تقوله

جبت هدية لمامتك-
مامتى مين يابنى..ده انا قولتلها الصبح كل سنة بقى يا ماما-

فين هديتى انا!

بقى انا هاجبلها هدية وبتاع عيب عليك ده انا الى اخد هدايا

...

تلخيص الى بيحصل فى عيد الام:
تلات حالات
ام بتتدلع اخر دلع*

ام بتتنسى اصلا و ممكن يجي عليها اليوم عكسى خالص*

عائلات بيفتكروا الام الى مش موجودة و بتكون نكد*

...

بس صراحة احسن حاجه بنطلع بيها فى عيد الام

هى الاغانى الى بيعملوها للامهات

واكثر حاجة بقعد اسمعها طول الوقت هى اغنية سامى يوسف

ومن الاغانى الحلوة جدا برضه المؤثرة الى عملها مطرب الاناشيد احمد(اعذرونى مش فاكرة اسمه بالكامل)

وخالد عجاج برضة

معرفش هم نزلوا اغانى جديدة العيد ده ولا لاء..

ولو نزلوا ياريت محدش يبخل عليا و يقولى يعنى

واكون شاكرة ليه جدا!

...

وجبت هدية ايه لمامتك ؟

"real love"

2006-03-18T11:23:00.000+02:00

I have a song that i listen to all the time that I wanna share with u all
Title:"Real Love"
Singer: massari

"Chorus"
Girl, girl I'm goin' outta my mind

And even though I don't really know you

I must've been runnin' outta time

I'm waiting for the moment I can show you

And baby girl I want you to know

I'm watching you go

I'm watching you pass me by
It's real love that you don't know about

Baby I was there all alone

When you'd be doin things I would watch you

I picture you and me all alone

I'm wishing you was someone I can talk to

I gotta get you out of my head

But baby girl I gotta see you once again, again

It's real love that you don't know about

"Repeat chorus"

(Every night and now) when I go to sleep
I couldn't stop dreaming about you
Your love has got me feeling kinda weak
I really can't see me without you
And now you're runnin' round in my head
I'm never gonna let you slip away again
It's real love that you don't know about

Every now and then when I want you
I wish that I could tell you that I want you
If I could have the chance to talk wit cha
If I could have the chance to walk wit cha
Then I would stop holding it in
And never have to go through this again, again
It's real love that you don't know about

"Repeat chorus"

Today when I saw you alone
I knew I had to come up and approach you
Cuz girl I really gotta let you know
All about the things you made me go through
And now she lookin' at me in the eye
And now you got me hopin' I ain't dreamin' again, Again
It's real love that you don't know about

Every now and then when I want you
I wish that I could tell you that I want you
If I could have the chance to talk wit cha
If I could have the chance to walk wit cha
Then I would stop holding it in
And never have to go through this again, again
It's real love that you don't know about

"Repeat chorus"

You're the one that I want and no one can take it from me
No, no, no, no, no
Even though I don't really know you
I got a lot of love I wanna show you
And you'd be right there in front of me
I can see you passin' in front of me
No, no, no
Girl I need your love
Baby I need your love

u can download it from:

http://www.savefile.com/files/1700968

http://rapidshare.de/files/15869646/Massari-Real_Love.mp3.html

نحن اتحاد المدونين ... بعيدا عن وطن او دين

2006-03-14T00:30:00.000+02:00

نحن اتحاد المدونين ... بعيدا عن وطن او دين
لن نسمح باي انسان مهما كانت قوته ومهما كانت نفوذة ان يثبط من همة او عزيمة احد منا .. نحن اقوي من ذلك بكثير .. وان كانت طبيعة الدنيا ان نجد فيها الطيب والشرير ... فيكفينا اننا الطيبون ..
لانسب احدا ولا نتعدي علي احد ولا نسخر من اديان او معتقدات او اوطان
شعارنا هو الحريه
مالم اضر بك فانا حر فيم افعله

مبتحلقوش اوى كدة

2006-03-12T13:04:00.000+02:00

غدا عيد ميلادها
هيدتكم لها
..لى شفتوها تعيش حياتها,
,,بالسوق
بكوفى شوب..
بالشارع
لا تخزونها...و اللى حاب يقدم هديه لهم
يحط الصوره بمدونته لمدة يوم
يمكن
صوتنا يوصل
نقلا عن مدونة:

علاء الدين

عن ثقافه هز الوسط!!

2006-03-09T02:01:00.000+02:00

نحو وسطا اكثر هزازاً
يا مصر الله عليكى!
عمرانه دايما بفديو كليباتك..
يا سلااام كده لما دايما الامة العربيه واقفه جنب شبابنا الامامير
بتساعدهم دايما انها متخليهمش لا يلفوا ولا يدورا ولا يحتاروا
لما الشاب يحتاس عن الانحراف خارج البيت
القنوات الرائده فى صناعه الهلس تجيبله الانحراف لحد عنده-ولا اجدعها طياره بسرعه الصوت!- و تجيبلنا لبعض الناس الشلل..
وبكده العلاج يكتر فى البلد..
و الصيادله يكسبوا و الاطباء يكسبوا..
يعنى من اخر خطه اقتصاديه محكمه!
وانا بدعو كل رجال الاعمال انهم يجتمعوا و يطالبوا بنزولها فى المقررات و المناهج لدى دارسين التجاره و التسويق وسواقه الهبل على الشيطنه كمان علشان محدش يزعل بس
يعنى انا مس عارفه الناس الى بتسمع عبد الحليم ولا فيروز دوله على ايه!!
عالم غريبه اوى بصحيح..يا سلاام على الطرب الاصيل
و الهزازان الى على اصله من ايد اختنا المجيده نجلاء..
و لا المعلمه الكبيرة بوسى سميير
يعنى مش عارفه كل الفن ده و تلاقى فى اباهات مانعين القنوات التعليميه الاولى فى العالم العربى ومشفرينها!
تفكير رجعى .. فعلا!
بس بكرة يعرفوا قيمتها و يقدروا قد ايه هى مفيده للبلد يعنى..
وعمار يا مصر يا مهززة اوساط بناتك!

i'm "amber"..

2006-03-08T01:53:00.000+02:00

Your Gemstone is Amber

Creative, happy, and logical. You shine in any intellectual endeavor

What Gemstone Are You?

هم عندهم حق ولا لاء؟

2006-03-03T18:01:00.000+02:00

يعنى احنا ناس غريبه اوى بجد
كل شويه نبص للعالم الغير عربى
ونقعد نشتم فيهم و نكرههم لأنهم معندهمش دم
و شايفين المذابح الى بتحصل كل يوم فى فلسطين و العراق و الى بتحصل فى مليون حته تانيه وهم واقفين ساكتين مش بيتحركوا كل الى بيعملوه انهم يشجعوا التدمير فينا اكتر و اكتر
و عمرنا ما وقفنا كده نسئل بعض بجد هل هم عندهم حق فى التطنيش ده
يعنى هل احنا الى مدينهم الاسباب فعلا لكده!!
تعالوا كده نحط نفسنا مكانهم -مكان الشباب الاجنبى-
نشوف هم اخدوا ليه الجانب المعارض لينا
وايه الى بنى الفكرة دى عندهم!
يعنى اولا من اول ما الواحد فيهم بيتولد بيسمع عن ناس غريبه كده اسمهم العرب
بيشوف فى الافلام الى بتتقدمله انهم مجرد مجموعه من الهمج
و ان مفيش عندهم لا تكنولوجيا ولا حاجه
بس الفكرة ابتدت تتغير شويه الان
الافلام اتحسنت بقينا -العرب- بنعيش فى عمارات اه زينا زيهم بس الفرق فى التفكير اكيد كبير
مش معقوله هنكون زى المثل الى بيقول "التلميذ الذى تخطى استاذه"
دى نقطه
******
النقطه الاخرى و الاهم و الى بتعمل ضجه كبيرة فى كل حته
هى فلسطين و اسرائيل
ايه الى هم يعرفوه عنهم بالظبط؟
فى تخيلى انه متقالهم ان اسرائيل دى دولة عاديه زى بقيت الدول
و حظها الاسود انها وقعت جنب العرب المتخلفين دولة
وان فى حتة من اسرائيل يسكنها مجموعه من العرب
يسمونها فلسطين
و مصرين-العرب- على ان فلسطين دى تكون دولة مستقلة
يعنى من الاخر معندهاش دم
بقى فى حد يكون جوة اسرائيل الحلم الاكبر و عايز ينفصل عنها
ده اكيد اكتر حاجه تخلى الغرب يفكر ان العرب دولة شويه همج
******
نقطه اخرى
العرب دوله عمرهم ما بيتفقوا على حاجه ابدا!
مجموعه ملهاش غير الكلام و التهديدات
عمرنا ما شوفنا منها حاجه بجد
كل شويه نسمع القمة العربية الكبرى الى هتنعقد
و هنناقش فيها كذا وكذا و حلول كذا وكذا
وفى الاخر صفر - اجدع من صفر المونديال كمان- ده الى هم فالحين فيه
عمرهم ما بيتفقوا على حاجه
وبيطلعوا انيل من الاول
وشويه يقولوا حرب وشويه يقولوا سلاام
طيب مش يتفقوا على وضع الاول!
******
فى مليون نقطه اخرى فى دماغى عايزة اقولها
بس حساهم هربانين منى دلوقتى
بس نكتفى بالكام نقطة دولة
و عايزة كل واحد يحط نفسه مكان الغرب
هل هيبقى دى تفكيرة فعلا!
هل الغرب ليهم عذرهم!
مين الغلطان بجد فى الازمه دى!
احنا ولا هم؟

نداء

2006-03-03T01:11:00.000+02:00

نداء
من امواج السكون الهادىء اسطع و اهرب
اعرف ان بكائى لن يفيد و دموعى ستضيع
غروب فى كل نواحى العقل ويأخذ معه شمس حياتى
وظهور قمر منير مغطى بضباب افكارى
الى من ترسل اليه اشارات نجدتى
لقد حان الوقت!

تجاهل!
ااتكلم فلا اسمع لصوتى صدى
ابعد عن مركز الضوضاء فى قلبى فلا اجد مكان هادىء
ولكن هل يسكت القلب بعدما علت صوت ضرباته و تتسارعت!
اافقدك التجاهل مسارك لتمشى تشحذ نبضاتك من اى عابرفى خواطرى!
حقا لعنه عليك يا من افقدت قلبى صوابه..
ولتستمر عاصفه قلب مجروح!

لا للخضوع
فى ضلوعه استكان قلبى
وعند التماس الارواح فزع قلبى
ثار و سرح بين الغيوم
جاء يسئلنى عن قلبى اين ذهب فلم ارد
فلقد تركنى ومضى فاصبح جارح ومجروح
لما يا قلب رفضت الحب..
فلتصيبنى اللعنه التى الاقاها قلبى..
فهناك قلب شارد يبحث عن حب
فابحثوا عنى فى قلوب المجروحين!

نبضة قلب ليس قلبى:
تركتنى!!!

ما هو بديل حمامه السلام الان؟

2006-02-25T17:51:00.000+02:00

قبل ان نبحث عن بديل للسلام
انا عايزة ااقولكم انى فعلا دلوقتى ابتديت اشوف الحكام العرب بطريقه تانيه
يعنى لما تكون الشعوب كلها عايزة حرب و الحكام العرب عايزين سلام يبقى فى حاجه غلط
لغاايه لما فهمت الى فيها
يا جماعه الموضوع بسيط جدا الحكام العرب كان عندهم بعد نظر جدا
اتاريهم بيدعوا للسلام علشان مين الى بتوصل السلام؟؟
حمامه السلام
و حمامه السلام عندها ايه
انفلونزا الطيوور
شفتوا تفكيرهم الرائع العميق!!
نبعتلهم انفلونزا الطيور بدواعى السلام
و بكده نقضى عليهم
بدل ما نحاربهم و نخسر ناس
يا جماعه المفترض بقى نصقفلهم بجد على التفكير ده
مش ممكن حكامنا العرب دوله طلعوا فظاع بجد
ربنا يحميهم لشبابهم قولوا امين!

وتعالوا معايا ندور على بديل لحمامه السلام !

صورة عن أجرائات الحكومه تجاه انفلونزا الطيور!

2006-02-24T20:11:00.000+02:00

هو ايه حكايه بتوع طب!

2006-02-24T17:28:00.000+02:00

انا لاحظت الموضوع ده جامد فعلا
يعنى تلاقى الواحد من دوله حتى لو لسه نونو فى سنه اولى
تلاقيه اول ما يسمع عن اى معلومه فيها لمحه طب من بعيد ينقض عليها واوقف
بتقول ايه المعلومه دى واصلها و فصلها ايه
قال يعنى خلاص مقطعين الكتب اوى و مش لاقينين حاجه تانيه يدرسوها
والمعلومات الطبيه الى بيسمعوها هى فعلا الى بتفيدهم
فعلا انا معنديش اى حاجه ضد طب خالص
بس اخويا هو الى مجننى فعلا
لاحظت عليه الموضوع ده
يعنى ممكن اكون بتصفح مدونه ما وفجأه عين الصقر تبعه تلمح حاجه عن معلومه تكاد ان تكون طبيه و يقولى استنى استنى دى فيها حاجه عن طب و ابص انى الاقى حاجه عن طب ملاقيش غير معلومه عن حمير شرق اسيا
يروح باصصلى بتأفف كده الى هو نظام ماهى بتفيد برضه انتوا يا بتوع صيدله مش بتفهموا فى الحاجات دى
الغريب انى فعلا مش هاهتم باى معلومه عن الكربون ولو لقيت حد بيقولى ان فى عنصر جديد هاروح جاريه بعيد اصل الموضوع ناقص عناصر جديده يقرفونا بيها فى الدراسه!!
بس هو انا تساؤلى هل الموضوع ده عند اخويا بس ولا عند كل طالبى العلم فى الصين احم فى طب!

خاطرة بعنوان-اعتراض-

2006-02-23T19:28:00.000+02:00

اعتراض
عمرنا ما هنسمح
عمرنا ما هنرضى
إحنا مش زيّ غيرنا .
.إحنا مش أيّ حد
إحنا ولو فرقتنا الليالي ..
على طول مع بعض..
قلبنا على قلب بعض
مش إحنا اللي ممكن تقهرونا
مش إحنا اللي ممكن تأمرونا
جرحتونا..و الجرح غالي.
.هنوريكم..كلها ليالي.
.ولادنا من صغرهم كرهوكم..
و لا هييجي عليهم يوم و يحبوكم..
فاكرين ملكمش كبير..
صدقونى هتشوفوا الويل
يا قلوب متعرفش الرحمة
فاكرين هتوهوا فى الزحمة..
إحنا إيه و إنتم إيه؟.
.إحنا بشر و ده عارفينه من أول ما الكون إتخلق..
إنتم إيه ده لسه مش عارفينه..
ولا هنعرف ولو مرّ الزمن .
.فيه بشري يستحل قتل أخوه؟..
هو في انسان ممكن يكون بالشكل دا؟..
يا مُناضل يا فلسطيني
يا للي بتهدي روحك لبلادك
يا شجاع واقف لوحدك
بتحارب بقلبك قبل ايدك
شايل همك جوّة قلبك..
زي ما بتشيل روحك على كفّك
يا ريتنى كنت زيك
و انت يا عراقى يا شديد
فى وقت الصعاب صلب وحديد
و آدي نفس الحالة مفيش جديد
صدام ...قَلَب بإحتلال
هاييجي يوم للاستقلال
مفيش حاجه فيها مُحال
النهاردة ..بُكرة..بعده..
هتفضلوا طول عمركم صامدين
هُما اللي لما هيتغلبوا ويتعذبوا كل يوم هيريحوكم
و هييجي يوم و يسيبوكم
طول عمر الأمل موجود
من أول ما اتخلق الوجود
..بس هو شوية معقود
..ده إحنا معانا ربنا المعبود..

هل انت متفائل؟

2006-02-23T19:12:00.000+02:00

هاطرح مجموعه من الاسئله البسيطه
وانت هتعرف ان كنت انسان مصرى متفائل ولا لاء

هل تحلم بفلسطين يومين و تنساها شهرين!
هل عدت عليك اتفاقيه الكويز صحيتلها و هزت الدنيا و بعدين نمت تانى و نسيتها اساسا دلوقتى!
هل احتلال العراق عدى عليك و بقى شىء عادى دلوقتى تتكلم عليه من غير ما يفور دمك!
هل شجعت البطوله الافريقيه بكل حماس و اعتبرتها اجمد بطوله حصلت فى حياتك!
هل تعرف اى حاجه عن المسجد الاقصى دلوقتى وعن انه مهدد بالانهيار فى كل لحظه!
هل عدت عليك الانتخابات فى مصر و انتفضت بس كالعاده محصلش حاجه!
هل لقيت دلوقتى فى موضوع الدنمارك الى يحمسك و بعد شويه ممكن تنساها!

اهنئك عزيزى القارىء بعد كل الى عدى عليك ده و مازلت صامد و عايش
وبتروح كليتك او شغلك كل يوم بتفكر هتعمل ايه النهارده و على وشك ابتسامه
يبقى انت اكيد انسان متفائل!

انفلونزا الطيور!

2006-02-22T03:06:00.000+02:00

وها قد دخلت انلفونزا الطيور مصر!
حتى الان مفيش اى علاج للانفلونزا العاديه
فما بالك بانفلونزا الطيور
هل تقدر تقعد مطمن فى بيتك و تقول ان شا ءالله مش هتجيلى!
اذا كان امريكا الى هى امريكا مش عندها علاج ولا عارفين يعملوا حاجه فى الموضوع ده
انا اعرف اننا عندنا العقول الجامده الى ممكن فعلا لو ادولها فلوس و دعم هيقدروا يعملوا حاجه
بس دى مصر يا باشا
بتاخد من الناس مش بتدى!
واقعد مطمن فى بيتك خصوصا مع الاشاعات الى بتطلع كل شويه
ونهر النيل تلوث و مش عارفه حصله ايه
يا جماعه من امتى نهر نيل كان نضيف اصلا!
كل الى بيحصل دعايه لشركات المياه المعدنيه
والمواطن المصرى الاصيل يقولك انا بشرب ميه من الحنفيه ولا عمرى هيحصلى حاجه
احنا المصرين بتوع الفووول

و
سلملى على التروماى

why we need to love and to be loved?

2006-02-17T23:04:00.000+02:00

i don't know it's a tricky question really why do we love?
do we love becoz that's wat keep us going in life?giving us a purpose to live?
maybe that's wat u would say
but wat about others!
let me ask u something else.. do u search for love?
do u wake up everyday and say i hope i find it today?
does it go this way for u?
wat does love give us really..does it change us from the inside
do u love coz u need to be happy although that sometimes there are sadness inbetween
wat does love give us
that word it self is tempting to anyone
spending our time thinking of it
i will try to talk more about it
but really let me ask u..
1-do u need to love and to be loved?
2-do u think so much in that subject?
3-do u search for it? and why?
4-and finally do u believe in love?